Apêl e-lun am ddyn hoffai swyddogion siarad ag ef mewn ymchwiliad trais

Mae Heddlu Dyfed-Powys wedi rhyddhau e-lun o ddyn yr hoffent siarad ag ef fel rhan o’u hymchwiliad i honiad o drosedd trais yng Ngŵyl y Dyn Gwyrdd. 

Yr oedd ym mhabell Chai Wallahs yn ystod oriau mân y bore ddydd Sul.

Disgrifir y troseddwr fel dyn yn ei ugeiniau canol, 5’ 11”, o gorffolaeth ganolig, â gwallt brown golau a thalcen mawr. Dywedir mai dyn gwyn ydyw ond bod ganddo liw haul.

Credir bod llygaid tywyll ac aeliau trwchus ganddo, ac roedd yn gwisgo het iâr, siwmper wlân gwead mân (browngoch o bosibl), a jîns tynn.

Dywedodd y Ditectif Arolygydd Fay Lantos: “Yr ydym yn awyddus i adnabod y dyn hwn, a allai’n cynorthwyo â’n hymholiadau”.

“Os mai chi yw’r dyn hwn, rydych chi’n gwybod pwy ydyw, neu os oes gennych luniau ohono o’r ŵyl, cysylltwch â ni os gwelwch chi’n dda.”

DIWEDDARIAD (31/08/22) | Mae swyddogion sy’n ymchwilio i honiad o drais yng Ngŵyl y Dyn Gwyrdd ym Mhowys wedi arestio rhywun.

Digwyddodd yr arést ar ôl rhyddhau e-lun ddydd Gwener 26 Awst.

Ers hynny, y mae wedi’i ryddhau ar fechnïaeth yr heddlu tra bod ymholiadau pellach yn cael eu cynnal.

Nid ydym yn chwilio am unrhyw un arall mewn cysylltiad â’r digwyddiad hwn ar hyn o bryd. Hoffem ddiolch i bawb a rannodd yr apêl.

Mae’r ddelwedd o’r apêl wedi’i thynnu yn ôl yn awr.