Cynllun Cenedlaethol Ailhyfforddi Gyrwyr (NDORS) - allech chi ymuno â’r tîm hyfforddwyr?
Cynnwys y prif erthygl
Ydych chi'n angerddol am wella diogelwch ar ffyrdd Dyfed-Powys?
Mae Heddlu Dyfed-Powys yn chwilio am unigolion brwdfrydig ac ymroddedig i ymuno â’r tîm hyfforddwyr ar sail hunangyflogedig i gyflwyno’r cynllun NDORS yn ardal Dyfed-Powys.
Rhaid bod gan hyfforddwyr drwydded lawn Cwrs Ymwybyddiaeth Cyflymder Cenedlaethol / Cwrs Ymwybyddiaeth Cyflymder Cenedlaethol ar gyfer dosbarthiadau digidol NDORS – byddai trwydded i gyflwyno cyrsiau NDORS eraill o fantais.
Mae gennym gyfleoedd ar gyfer y canlynol:
- Hyfforddwyr digidol i gyflwyno cyrsiau drwy Microsoft Teams
- Hyfforddwyr dosbarth i gyflwyno cyrsiau yng Nghaerfyrddin a Llanelli (efallai bydd angen cyflwyno cyrsiau mewn ardaloedd eraill yn y dyfodol)
- Hyfforddwyr Cymraeg eu hiaith (yn arbennig yn y dosbarth) a hyfforddwyr Saesneg eu hiaith
Sut ydw i’n gwneud cais?
Os hoffech gael eich ystyried, cwblhewch y ffurflen gais atodedig, gan sicrhau eich bod chi’n dangos tystiolaeth o’r cyraeddiadau.
Cadarnhewch pa un ai a ydych chi eisiau cyflwyno cyrsiau digidol, cyrsiau dosbarth, neu’r ddau (noder: cyfeiriwch at y fanyleb ar gyfer hyfforddwr dosbarth os ydych chi’n gwneud cais i fod yn hyfforddwr digidol).
Bydd angen i bob hyfforddwr lwyddo ym mhroses fetio lefel 2 ar gyfer staff sydd ddim yn aelodau o’r heddlu, a rhaid iddynt ddarparu Yswiriant Indemniad Proffesiynol/Atebolrwydd Cyhoeddus.
Rhaid anfon ceisiadau gorffenedig at [email protected] erbyn Chwefror 8 2022.
Am ragor o wybodaeth, anfonwch e-bost at y cyfeiriad uchod.