Wythnos gweithredu Plismona Bro 17 - 23 Ionawr

Mae wythnos Ionawr 17 – 23 wedi ei ddynodi yn wythnos gweithredu Plismona Bro – sef wythnos i gydnabod a dathlu llwyddiannau plismona cymunedol.

Mae Plismona Bro yn arbenigedd – mae’n bersonoliad o’r hyn yw plismona Prydeinig, ac mae ein model bro yn eiddigedd y byd.   

Dyma’r tro cyntaf i wythnos weithredu fel hyn gael ei ddatblygu I ddathlu’r gwaith hanfodol mae ein swyddogion Plismona Bro, SCCH a gwirfoddolwyr yn gwneud I ddiogelu a thawelu meddwl cymunedau Dyfed-Powys, ond hefyd yn genedlaethol.

Dywedodd Dirprwy Prif Gwnstabl, ac arweinydd Portffolio Plismona Bro yr NPCC, Claire Parmenter: "Mae swyddogion Plismona Bro, SCCH a gwirfoddolwyr yn chwarae rȏl hanfodol yn nhirwedd plismona. Rwyf wrth fy modd i fod yn cael wythnos o’r fath i gydnabod, cefnogi a dathlu eu llwyddiannau am y tro cyntaf. 

"Mae’r gwaith maent yn ei wneud i atal trosedd trwy ymyrraeth cynnar a datblygu ffyrdd newydd o daclo trosedd trwy ddatrys problemau yn holl bwysig. Ond yn ogystal mae’r cysylltiadau cryf maent yn adeiladu gyda ein cymunedau yr un mor bwysig, sy’n golygu eu bod mewn sefyllfa gwych I gasglu gwybodaeth a gwneud gwahaniaeth go iawn mewn cymunedau.

“Mae’r cysylltiadau yma gyda phreswylwyr, partneriaid a busnesau yn helpu creu blaenoriaethau plismona lleol.  

“Diolch i’r holl swyddogion bro, SCCH a gwirfoddolwyr gwych sy’n gwneud gwaith anhygoel i gadw ni’n ddiogel, ond hefyd yn teimlo’n ddiogel.

Bydd yna hefyd ffocws ar les timoedd bro yn ystod yr wythnos, gyda amserlen o ddigwyddiadau a deunydd wedi cychwyn I gefnogi nhw.

Ond y gwahaniaeth maent yn ei wneud I bobl sy’n wirioneddol bwysig – ac mi gafodd heddwas Heddlu Dyfed-Powys wnaeth ddod o hyd i’w alwad ym maes Plismona Bro ei enwi’n bencampwr y bobl yng ngwobrau blynyddol yr heddlu.  

Enwebwyd PC Leigh Jones o Sir Benfro am wobr #Gofalu gan aelodau o’r cyhoedd am ei wasanaeth rhagorol i’w gymuned.

Ynghyd â’i dîm o Swyddogion Cefnogi Cymunedol yr Heddlu, mae Leigh wedi gweithio i feithrin perthynas dda gyda phobl ifanc leol, gan ymgysylltu â nhw mewn ffordd gadarnhaol ac ennill eu hymddiriedaeth.

Drwy’r rhyngweithio hwn, cynlluniau dargyfeiriol a thrwy weithio’n agosach gyda gwasanaethau ieuenctid, mae Leigh wedi arwain drwy esiampl wrth geisio lleihau nifer y digwyddiadau aflonyddgar neu wrthgymdeithasol yn y dref.

Enwebwyd Leigh gan Sarah Greener, sy’n gweithio i elusen leol sy’n cefnogi pobl ag arthritis. Fe’i henwebwyd am fod mor barod ei gymwynas bob amser ac am ei ymdrechion i gefnogi gwaith sefydliadau lleol.

“Mae wedi helpu i roi cyhoeddusrwydd i ni ac mae bob amser yn awyddus i’n helpu,” meddai Sarah.

“Mae pobl yn aml yn meddwl am yr heddlu pan fydd rhywbeth wedi mynd o’i le, felly mae gweld y Tîm Plismona Bro mewn digwyddiadau lleol gadarnhaol yn helpu i newid y ddelwedd honno ac yn tynnu sylw at y pethau penodol, megis gwiriadau lles y mae’r Tîm Plismona Bro yn eu gwneud.

“Mae’n gwneud iddyn nhw ymddangos yn fwy agos atoch chi, a’u bod yn ymwybodol o’r hyn sy’n digwydd yn lleol.”

Ennillodd tîm o Swyddogion Cefnogi Cymunedol yr Heddlu (SCCH) a weithiodd yn ystod y pandemig er mwyn cael gwell dealltwriaeth o’r heriau sy’n wynebu’r gymuned fyddar, a datblygu perthnasau cymunedol pwysig, wobr hefyd.

Aeth y naw SCCH i sesiynau Iaith Arwyddion Prydain wythnosol, gan gyflawni dros 150 o oriau astudio a sicrhau cymwysterau lefel 2.

Dywedodd eu tiwtor, Sarah Lawrence: “Fe wnaethon nhw arddangos ymrwymiad arbennig tuag at ddysgu’r iaith weledol, a hefyd ymgyfarwyddo â hanes a diwylliant y gymuned fyddar, a’r heriau sy’n wynebu pobl fyddar. Roedd eu awydd a dyhead I ddysgu ei iaith wedi llonni ei chalon.

“Fel aelod o’r gymuned fyddar, mae’n dda iawn gennyf ddweud bod pob un ohonynt yn ei ‘deall’ – yr unigedd a’r rhwystrau sy’n wynebu pobl fyddar wrth geisio cael mynediad at unrhyw fath o wasanaeth,” meddai.

“Drwy ddysgu iaith arwyddion Prydain, maen nhw wedi newid y ddynameg honno’n llwyr, y diffyg ffydd o fewn y gymuned fyddar ac weithiau’r diffyg dealltwriaeth. Drwy iaith a rennir, mae gan Heddlu Dyfed-Powys fwy o wybodaeth a dealltwriaeth yn awr o’r rhwystrau mae pobl yn eu hwynebu wrth gael mynediad at wasanaethau plismona.”

Ymunwch ȃ ni i ddathlu a diolch i’n timoedd Plismona Bro’r #WythnosPlismonaBro hyn.