Mae Heddlu Dyfed-Powys yn apelio am dystion.

Mae Heddlu Dyfed-Powys yn apelio am dystion yn dilyn y gwrthdrawiad traffig a ddigwyddodd yn Llanfair Caereinion brynhawn Llun, 23 Mai 2022, a oedd yn cynnwys bws ysgol a phlant o oed ysgol gynradd. Cafodd un dyn a phedwar o blant eu cludo i’r ysbyty.

Dywedodd y Rhingyll Robert Hamer o Uned Plismona’r Ffyrdd:

“Digwyddodd y digwyddiad wrth i’r ysgol orffen am y diwrnod ac roedd llawer o bobl yn casglu plant ar y pryd. Rydym eisoes wedi siarad â nifer o dystion ac rydym yn awr yn gofyn i unrhyw un a oedd yng nghyffiniau’r ysgol gynradd ac uwchradd ar Lôn y Neuadd, ac a allai fod wedi bod yn dyst i’r digwyddiad, gysylltu â ni. Byddem yn apelio’n arbennig at unrhyw un a oedd wedi parcio yn yr ardal, ac a allai fod â recordiadau dash-cam o’r digwyddiad, i gysylltu â ni."

Gofynnir i unrhyw un sydd â gwybodaeth a allai helpu swyddogion gyda’u hymchwiliad gysylltu â Heddlu Dyfed-Powys, naill ai ar-lein ar https://bit.ly/HDPCysylltuArLein drwy e-bostio [email protected], neu drwy ffonio 101. Os ydych chi’n fyddar, yn drwm eich clyw, neu â nam ar eich lleferydd, anfonwch neges destun at y rhif nad yw’n argyfwng, sef 07811 311 908.

Rhowch y cyfeirnod: DP-20220523-232.