Carcharu dyn o fewn 48 awr yn dilyn lladradau yn Sir Benfro

Arestiwyd dyn a ddygodd o ddwy siop yn Sir Benfro o fewn oriau, ac mae’n cychwyn ei ddedfryd o garchar o fewn deuddydd.

Plediodd Justin Rantanen, 36 oed, sydd heb gartref sefydlog, yn euog pan ymddangosodd gerbron Llys Ynadon Hwlffordd ddydd Iau 1 Medi.  

Cafodd ei arestio mewn gwesty yn Nhyddewi ychydig ar ôl hanner nos, nos Fercher 31 Awst, ar ôl cael ei ddal ar gamera’n dwyn eiddo o siopau lleol tua 3 o’r gloch brynhawn ddydd Mawrth.

Yn ystod ei arést, ceisiodd Rantanen ddianc drwy neidio allan o ffenestr ei ystafell yn y gwesty, ond rhwystrodd swyddogion ei gar i’w atal rhag dianc.

Cawsant hyd i’r eitemau yr oedd wedi’u dwyn o’r cerbyd hefyd.

Cafodd ei arestio ar amheuaeth o ladrata ac yfed a gyrru yn ystod ei ymgais i ddianc, ond methodd â darparu sampl, a chanfu hefyd nad oedd wedi cymryd prawf gyrru estynedig ar ôl iddo gael ei wahardd rhag gyrru o’r blaen.

Cyhuddwyd Rantanen yn ddiweddarach y diwrnod hwnnw, ac aed ag ef i’r llys y bore canlynol, lle y plediodd yn euog i ddau achos o ladrata, methu â darparu sbesimen, gyrru pan oedd wedi’i wahardd, a gyrru heb yswiriant.  

Fe’i dedfrydwyd i 16 wythnos o garchar ac fe’i gwaharddwyd rhag gyrru am 38 mis.

Mae Natalie Rantanen, 47 oed, o Gastell Morgraig, Caerffili, wedi’i chyhuddo â phedwar achos o ladrata. 

Mae hi wedi’i rhyddhau ar fechnïaeth cyn ymddangos yn Llys Ynadon Hwlffordd ddydd Mawrth 27 Medi.