Marwolaeth Ei Mawrhydi'r Frenhines Elizabeth II
Cynnwys y prif erthygl
Gan y Prif Gwnstabl Dr Richard Lewis:
"Gyda thristwch mawr y dysgwn am farwolaeth Ei Mawrhydi y Frenhines Elizabeth II.
"Fel Gweision y Goron, mae'n foment arbennig o deimladwy i ni yma yn Heddlu Dyfed-Powys.
"Anfonaf ein cydymdeimlad dwysaf at y Brenin a'r Teulu Brenhinol ar yr adeg drist iawn hon.
"Bydd baneri ar draws ein hystâd yn cael eu hedfan ar hanner mast i nodi'r cyfnod cenedlaethol o alaru."
Comisiynydd Heddlu a Throseddu Dyfed-Powys, Dafydd Llywelyn:
“Gyda thristwch mawr y clywsom heno am farwolaeth Ei Mawrhydi’r Frenhines.
"Teyrnasodd y Frenhines Elizabeth II am 70 mlynedd, sy’n hirach nag unrhyw deyrn arall yn hanes Prydain.
"Ar ôl oes o Wasanaeth Brenhinol, ar ran pawb yma yn Heddlu Dyfed-Powys a’m swyddfa i, hoffwn ddiolch iddi am ei hymroddiad a’i hymrwymiad i’w rôl o fewn y frenhiniaeth a chynnig ein cydymdeimlad dwysaf â’r Teulu Brenhinol.
"Boed iddi orffwys mewn hedd.”