Carchar ar gyfer rheibiwr a ‘normaleiddiodd’ ymddygiad rhywiol tuag at ferched

Dioddefodd tair dioddefwraig ifanc flynyddoedd o gam-drin rhywiol mynych gan ddyn o Drefyclo. Clywodd llys ei fod wedi gwneud iddynt gredu bod ei ymddygiad yn normal er mwyn parhau â’i droseddau.

Mae Matthew Aldridge, 56 oed, wedi’i ganfod yn euog o 27 trosedd rhywiol, gan gynnwys trais ac ymgais i dreisio, yn erbyn tair merch a dargedwyd ganddo yn ystod eu plentyndod.   

Y mae wedi’i garcharu am oes, a bydd yn rhaid iddo dreulio o leiaf 24 mlynedd yn y carchar.

Sara Hall, 46 oed, hefyd wedi’i dedfrydu i 10 mlynedd o garchar am wyrdroi cwrs cyfiawnder a chreulondeb yn erbyn plant am ganiatáu i’r troseddau ddigwydd, ac am annog un o’r dioddefwyr i newid ei thystiolaeth yn ei erbyn.  

Roedd y pâr yn destun ymchwiliad dwys gan Heddlu Dyfed-Powys, a chyflwynwyd tystiolaeth i Lys y Goron yr Wyddgrug yn ystod yr achos llys 3 wythnos o hyd.  

Clywodd y rheithgor sut y paratôdd Aldridge ei ddioddefwyr i bwrpas rhyw, gan wneud iddynt gredu bod ei ymddygiad yn normal er mwyn parhau â’i foddhad rhywiol dros 20 mlynedd.

Adroddodd un o ddioddefwyr Aldridge am ei droseddu yn 2016, fodd bynnag, anogodd Hall hi i newid y dystiolaeth a roddodd i’r heddlu. Arweiniodd honiad pellach yn 2019 at ddatgelu gwir raddau gweithredoedd Aldridge.

Dan arweiniad Adran Ymchwiliadau Troseddol Heddlu Dyfed-Powys, casglwyd tystiolaeth o gyfweliadau gyda dioddefwyr a’u datganiadau, datgeliadau a wnaed wrth y gwasanaethau plant a chwnsleriaid, a thrwy archwilio dyfeisiau digidol. Arweiniodd y gwaith hwn at gyhuddiadau lluosog yn cael eu dwyn yn erbyn Aldridge. Digwyddodd nifer o’r troseddau ar sawl achlysur:  

• Treisio plentyn iau na 13 oed (dau gyhuddiad)
• Ymgais i dreisio plentyn iau na 13 oed
• Ymosod yn rhywiol ar blentyn iau na 13 oed drwy dreiddio (11 cyhuddiad)
• Ymosod yn rhywiol ar blentyn iau na 13 oed (pum cyhuddiad)
• Ymosod yn rhywiol ar blentyn 13-15 oed
• Achosi plentyn i gymryd rhan mewn gweithgarwch rhywiol (pedwar cyhuddiad)
• Ymosod yn anweddus ar blentyn
• Anweddustra gyda phlentyn
• Cymryd rhan mewn gweithgarwch rhywiol gyda phlentyn

Am ei rhan mewn caniatáu i’r troseddau ddigwydd, cyhuddwyd Hall o wyrdroi cwrs cyfiawnder, creulondeb yn erbyn plentyn o ran methu â diogelu plentyn, a chaniatáu i gam-drin rhywiol ailddigwydd er bod ganddi wybodaeth lawn o’r perygl o niwed rhywiol yr oedd Aldridge yn ei gyflwyno i blant.

Canfu’r pâr yn euog o’r troseddau hyn gan reithgor, a chawsant eu dedfrydu ddydd Iau 9 Tachwedd.

Yn ei areithiau dedfrydu, disgrifiodd Ei Anrhydedd y Barnwr Nic Parry ymddygiad Aldridge fel “ymgyrch gyfundrefnol a ffiaidd o drais a throseddau tebyg,” ac nad oedd “terfyn i lefel yr anfoesoldeb yn ei droseddu rhywiol er mwyn cael boddhad rhywiol.”

Disgrifiodd gweithredoedd Hall fel “brad ymddiriedaeth difrifol,” a chondemniodd ei hagwedd o “feio’r dioddefydd.”

Dywedir bod y trawma canlyniadol i’r dioddefwyr wedi cael effaith fawr a phellgyrhaeddol.

Gan siarad ar ran Heddlu Dyfed-Powys, dywedodd y swyddog yn yr achos, y Ditectif Gwnstabl Liz Evans, “Hoffwn ganmol cryfder a phenderfynoldeb y tair dioddefwraig yn yr achos hwn, a diolch iddynt am y gefnogaeth a’r cydweithrediad maen nhw wedi dangos i’n swyddogion.

“O ganlyniad i gyfnod hir y troseddu hwn, a’r holl dystiolaeth yr oedd angen ei hystyried, roedd yr ymchwiliad hwn yn un hir a dwys a oedd yn cynnwys nifer o dimoedd heddlu. Dangosodd pob dioddefydd ddewrder aruthrol drwy gydol ein hymholiadau, a gwerthfawrogwn nad oedd hyn yn hawdd iddynt.

“Nid yw’r troseddwyr wedi dangos edifeirwch am eu gweithredoedd ffiaidd, nac unrhyw empathi tuag at y dioddefwyr, gan ychwanegu at y gofid a’r trawma maen nhw eisoes wedi achosi’r menywod ifainc hyn. Gobeithiwn y bydd canlyniad heddiw’n mynd peth o’r ffordd i’w sicrhau nad oedd eu dewrder o ran codi eu llais yn ofer. 

“Mae’n galonogol gweld bod Ymgyrch Soteria – prosiect cenedlaethol sy’n anelu i ddatblygu ffyrdd newydd o ymchwilio ac euogfarnu troseddwyr ar gyfer troseddau trais – yn arwain at gynnydd yn nifer y canlyniadau cadarnhaol ac euogfarnau. Mae’n rhaid bod hyn yn tawelu meddyliau dioddefwyr, ac rwy’n gobeithio y bydd yn parhau i wella hyder o ran adrodd am drais a throseddau rhywiol.”  

• Am fanylion am wasanaethau cymorth a sut i adrodd am drosedd rhywiol, gan gynnwys digwyddiadau hanesyddol, galwch heibio i https://www.dyfed-powys.police.uk/cy-GB/riportio/riportio/riportiwch/alpha-v1/cyngor/treisio-ymosod-rhywiol-a-throseddau-rhywiol-eraill/sut-i-riportio-treisio-ymosodiad-rhywiol-troseddau-rhywiol-eraill/

Os ydych chi wedi dioddef trosedd, adroddwch amdano wrth Heddlu Dyfed-Powys ar-lein ar: https://www.dyfed-powys.police.uk/cy-GB/cysylltu-a-ni/af/cysylltu-a-ni-beta/cysylltu-a-ni/, drwy anfon e-bost at [email protected],  neu drwy alw 101.

Os ydych chi’n fyddar neu’n drwm eich clyw, neu os oes gennych nam ar eich lleferydd, anfonwch neges destun at y rhif difrys 07811 311 908.

Fel arall, cysylltwch â’r elusen annibynnol Taclo’r Tacle yn ddienw drwy alw 0800 555111, neu drwy alw heibio i www.crimestoppers-uk.org