Cyhuddo dau ddyn dros ddigwyddiad difrifol yn Llanidloes
Cynnwys y prif erthygl
Mae Heddlu Dyfed-Powys wedi cyhuddo dau ddyn mewn cysylltiad â digwyddiad difrifol mewn eiddo yn Valentine Court, Great Oak Street, Llanidloes, ddydd Llun 17 Gorffennaf.
Yn dilyn adroddiad brynhawn ddydd Llun, roedd presenoldeb heddlu yn yr ardal, a barhaodd drwy gydol ddydd Mawrth.
Yn dilyn eu harést ddydd Llun, medrwn gadarnhau bod Wayne Butler, 36 oed, a Stephen Dixon, 51 oed, o Valentine Court, wedi’u cyhuddo o anafu bwriadol, camgarcharu a blacmel neithiwr.
Cadwyd y ddau yn y ddalfa hyd nes iddynt ymddangos yn Llys Ynadon yr Wyddgrug fore heddiw.
Nid yw’r heddlu’n chwilio am unrhyw un arall mewn cysylltiad â’r digwyddiad ar hyn o bryd.
Mae swyddogion yn awyddus i siarad ag unrhyw un a allai fod wedi gweld neu glywed rhywbeth yn ardal Valentine Court rhwng 3.00 a 4.30 o’r gloch fore ddydd Llun.
Dymuna Heddlu Dyfed-Powys ddiolch i aelodau’r gymuned leol am eu hamynedd, ac ymddiheuro am unrhyw aflonyddwch a achoswyd.
Gofynnir i unrhyw un sydd â gwybodaeth a allai helpu swyddogion â’u hymchwiliad i roi gwybod i Heddlu Dyfed-Powys, naill ai ar-lein ar https://www.dyfed-powys.police.uk/cy-GB/cysylltu-a-ni/af/cysylltu-a-ni-beta/cysylltu-a-ni/, drwy anfon e-bost at [email protected], neu drwy alw 101. Os ydych chi’n fyddar neu’n drwm eich clyw, neu os oes gennych nam ar eich lleferydd, anfonwch neges destun at y rhif difrys 07811 311 908.
Fel arall, cysylltwch â’r elusen annibynnol Taclo’r Tacle’n ddienw drwy alw 0800 555111, neu drwy alw heibio i crimestoppers-uk.org.
Dyfynnwch gyfeirnod: 23000645903.