Datganiad ynghylch Gwesty Parc y Strade ar 28 Gorffennaf 2023

Yn dilyn cadarnhad gan y Swyddfa Gartref y bydd teuluoedd sy’n ceisio lloches yn symud i Westy Parc y Strade fesul cam dros yr wythnosau nesaf, mae Heddlu Dyfed-Powys yn awyddus i barhau â’r berthynas waith gynhyrchiol y mae swyddogion wedi’i meithrin gyda grwpiau protest cymunedol er mwyn sicrhau pontio esmwyth ar gyfer pob parti.  

Yr ydym yn deall cryfder y teimlad o fewn y gymuned leol a’r gymuned ehangach ac yn edrych yn ddifrifol iawn ar eu pryderon. Nod yr ymgyrch blismona yw darparu ymateb plismona, ar y cyd â phartneriaid, sy’n rheoli unrhyw densiynau cymunedol yn effeithiol ac yn cydbwyso hawliau pawb sydd wedi’u heffeithio gan y defnydd o’r gwesty i gartrefu ceiswyr lloches.   

Nod presenoldeb yr heddlu yn y lleoliad yw hwyluso protest heddychlon, parhau i ymgysylltu a sgwrsio â phob parti, a chynnig tawelwch meddwl i’r gymuned. Fodd bynnag, os bydd trosedd yn cael ei chyflawni, byddwn ni’n cymryd pob cam rhesymol a chymesur i ddwyn troseddwyr i gyfiawnder.  

Hoffem gymryd y cyfle hwn i ddiolch i’r rhai sydd wedi gwrthdystio’n heddychlon yn ystod yr wythnosau diwethaf ac anogwn unrhyw un sy’n bwriadu ymuno â’r brotest i ddilyn yr enghraifft sydd wedi’i gosod gan breswylwyr lleol.  

Os ydych chi’n bwriadu cynnal protest, byddem yn eich annog i gysylltu â ni drwy ein gwefan, drwy e-bost, neu drwy alw 101 fel ein bod ni’n medru helpu i hwyluso protest heddychlon.