Ymchwiliad yr heddlu i farwolaeth amheus yn Llanelli
Cynnwys y prif erthygl
Mae Heddlu Dyfed-Powys yn ymchwilio i amgylchiadau marwolaeth sydyn dyn 22 oed yn Llanelli yn oriau mân nos Sadwrn (25 Mawrth).
Cafodd y gwasanaethau brys eu galw i fflat ar Stryd Robinson, Llanelli, oherwydd pryderon am les dyn.
Rhuthrwyd Liam Rees Morgan-Whittle i'r ysbyty ond cyhoeddwyd yn ddiweddarach ei fod wedi marw.
Mae ei deulu wedi rhoi teyrnged i'r mab cariadus.
“Rydyn ni fel teulu wedi ein distrywio o golli Liam,” meddai’r datganiad.
“Roedd yn ddyn ifanc anhygoel a bydd colled fawr ar ei ôl.
“Rydym yn gofyn am breifatrwydd ar yr adeg drist hon.”
Mae Heddlu Dyfed-Powys yn trin ei farwolaeth fel un amheus ac wedi arestio dyn 38 oed mewn cysylltiad â’r digwyddiad.
Ers hynny mae wedi cael ei ryddhau ar fechnïaeth tra gwneir ymholiadau pellach.
Fe fydd swyddogion yn patrolio’r ardal heddiw yn cynnal ymholiadau o dŷ i dŷ.
Mae teulu Mr Morgan-Whittle yn cael cymorth gan swyddogion arbenigol.