Ymchwilio i lofruddiaeth ar ôl canfod corff dynes yn yr afon Hafren
Cynnwys y prif erthygl
Mae Heddlu Dyfed-Powys yn ymchwilio i achos o lofruddiaeth ar ôl i gorff gael ei ddarganfod yn yr afon Hafren y tu allan i Lanidloes ddydd Sul (28 Mai).
Cafodd corff dynes 34 oed ei ddarganfod tua 4 o’r gloch y prynhawn, ac arestiwyd dyn 46 oed ar amheuaeth o lofruddiaeth yn ddiweddarach y diwrnod hwnnw. Y mae’n parhau yn nalfa’r heddlu.
Mae swyddogion yn awyddus i siarad gydag unrhyw un a allai fod wedi gweld dyn a dynes yn Llanidloes, neu ar yr A470 rhwng Llanidloes a Dolwen, ddydd Sadwrn neu ddydd Sul, neu sydd â darn ffilm camera cerbyd ohonynt.
Disgrifir y ddynes fel dynes croenwyn, 5’ 4”, o gorffolaeth fach, â gwallt rhaffog hir iawn heibio ei gwast. Roedd hi’n gwisgo top llwyd, trwser tywyll ac esgidiau rhedeg gwyn.
Disgrifir y dyn fel dyn croenwyn, tua 6’, o gorffolaeth gadarn, â gwallt rhaffog a bandana tywyll.
Yr oedd yn gwisgo siaced lachar llewys byr, crys T, trwser byr ac esgidiau rhedeg golau, ac roedd ganddo fag du gydag un strapen.
Roedd ci bach tywyll gydag ef.
Hoffem siarad hefyd â’r unigolyn a roddodd lifft i’r dyn a’i gi rhwng y Trallwng a’r Amwythig, gan ei ollwng ger cilfan Dinky’s Dinahs ddydd Sul.
Arestiwyd dyn 46 oed nos Sul ar amheuaeth o lofruddiaeth ac mae’n parhau yn nalfa’r heddlu.
Nid yw swyddogion yn chwilio am unrhyw un arall mewn cysylltiad â’r mater hwn ar hyn o bryd.
Gofynnir i unrhyw un sydd â gwybodaeth a allai gynorthwyo’r ymchwiliad gysylltu drwy’r Porthol Cyhoeddus pwrpasol.
Cewch gysylltu â ni drwy alw 101 hefyd. Os ydych chi’n fyddar neu’n drwm eich clyw, neu os oes gennych nam ar y lleferydd, anfonwch neges destun at y rhif difrys 07811 311 908. Fel arall, cysylltwch â’r elusen annibynnol Taclo’r Tacle yn ddienw drwy alw 0800 555111, neu drwy alw heibio i crimestoppers-uk.org. Dyfynnwch y cyfeirnod: DP-20230528-120.