Mae Oriau Agor Cownteri Blaen Gorsafoedd Heddlu’n Newid

O ddydd Llun 2 Hydref, bydd oriau agor cownteri blaen gorsafoedd heddlu’n newid ledled Sir Gaerfyrddin, Ceredigion, Sir Benfro a Phowys.

O’r dyddiad hwnnw, darperir gwasanaeth wyneb yn wyneb o ddydd Llun i ddydd Gwener o 08:00 – 12 ac o 12.30 – 16:00 yn y lleoliadau canlynol:

• Canol tref Caerfyrddin
• Rhydaman
• Canol tref Llanelli 
• Dafen
• Aberystwyth
• Aberteifi
• Hwlffordd
• Aberhonddu
• Llandrindod
• Y Drenewydd

Mae’r newid yn galluogi’r heddlu i wneud y defnydd gorau o adnoddau i gyflenwi gwasanaeth cyhoeddus effeithiol sy’n parhau i fodloni anghenion a disgwyliadau cymunedau ac yn gwella argaeledd ein gwasanaeth cownter blaen, gan wneud ein horiau agor yn gliriach o lawer.

Mae’n rhan o raglen newid ehangach ar draws Heddlu Dyfed-Powys, lle mae ystadau, technoleg, a’r offer sydd ar gael i swyddogion a staff yn dod at ei gilydd i wella plismona a’r gwasanaeth i gymunedau. 

Bydd yr un gwasanaethau ar gael unwaith y daw'r newid i rym, a byddwch chi dal yn medru galw heibio i’ch lleoliad agosaf i ddatblygu cais am drwydded dryll, gofyn am drwydded pedler, adrodd am drosedd neu gudd-wybodaeth, cyflwyno dogfennau cyfreithiol, neu ofyn am gyngor.

Os oes angen yr heddlu arnoch pan nad yw’n argyfwng, cewch hefyd gysylltu â nhw drwy neges uniongyrchol ar Facebook, Twitter neu Instagram, neu ar-lein, drwy anfon e-bost at [email protected], neu drwy alw 101. Os ydych chi’n fyddar neu’n drwm eich clyw, neu os oes gennych nam ar eich lleferydd, anfonwch neges destun ar y rhif difrys, sef 07811 311 908.

Os oes trosedd yn digwydd, neu mae perygl i fywyd, perygl o anaf difrifol neu ddifrod i eiddo, galwch 999 bob amser. 

Os oes angen adrodd rhywbeth yr ydych wedi’i golli neu ei ganfod arnoch, galwch heibio i www.reportmyloss.com.

Os ydych angen adrodd am gi crwydr, cysylltwch â’r awdurdod lleol.