Bachgen yn ei arddegau’n cael ei ryddhau ar fechnïaeth amodol ar ôl cael ei arestio am fygythiadau

Mae’r bachgen 15 oed a arestiwyd yng Nghross Hands yn ystod oriau man bore dydd Iau (Ebrill 25), yn dilyn adroddiadau ynghylch negeseuon bygythiol mewn cysylltiad ag Ysgol Dyffryn Aman, wedi ei ryddhau ar fechnïaeth yr heddlu gydag amodau sy’n ei atal rhag mynd i mewn i sefydliadau addysgol penodol, neu ardaloedd Dyffryn Aman a Dyffryn Gwendraeth. Mae cyfyngiadau mechnïaeth hefyd yn cynnwys cyrffyw, ac yn ei atal rhag cael mynediad heb oruchwyliaeth at gyfryngau cymdeithasol.

Mae’r ymchwiliad i’r honiadau’n parhau, ac mae Heddlu Dyfed Powys nawr yn apelio at unrhyw un sydd â gwybodaeth a allai eu cynorthwyo, gan gynnwys sgrin luniau o gyfryngau cymdeithasol, i adrodd am hynny yn y dulliau canlynol:

💬 | Neges uniongyrchol ar gyfryngau cymdeithasol
🖥️ | https://bit.ly/DPPContactOnline
📧 | [email protected]
📞 | 101
Os ydych yn fyddar, yn drwm eich clyw, neu os oes gennych amhariad lleferydd anfonwch neges destun at y rhif difrys ar 07811 311 908.

Gallwch hefyd gysylltu’n ddienw â Crimestoppers Cymru drwy ffonio 0800 555 111, neu fynd at crimestoppers-uk.org

Rhowch y cyfeirnod: 392 o Ebrill 24ain.