Arestio unigolyn yn yr ymchwiliad i ymgais i lofruddio yn Llandrindod

Mae Heddlu Dyfed-Powys yn parhau i apelio am wybodaeth wedi i unigolyn gael ei arestio ar amheuaeth o ymgais i lofruddio.  

Derbyniodd swyddogion alwad gan y gwasanaeth ambiwlans yn gofyn am gymorth mewn cyfeiriad yn Hillcrest Rise ychydig ar ôl 8.20 o’r gloch nos Sadwrn 14 Rhagfyr, lle yr adroddwyd bod dyn wedi dioddef anafiadau difrifol.

Aethpwyd ag ef i’r ysbyty, ac mae yno o hyd mewn cyflwr sefydlog.

Mae tîm ymchwilio penodol wedi’i sefydlu, ac mae unigolyn wedi’i arestio ar amheuaeth o ymgais i lofruddiaeth mewn cysylltiad â’r digwyddiad.

Mae swyddogion yn apelio am wybodaeth gan unrhyw un a allai helpu gyda’u hymholiadau, a hoffent siarad ag unrhyw un a welodd y digwyddiad neu a allai helpu i adnabod yr unigolyn cyfrifol.

Cysylltwch os ydych chi’n byw yn ardal Hillcrest neu Lethyr Bryn, ac wedi gweld neu glywed unrhyw ymddygiad amheus nos Sadwrn.  

Mae tudalen we benodol wedi’i sefydlu i gasglu unrhyw wybodaeth sy’n ymwneud â’r digwyddiad. Er mwyn adrodd yn uniongyrchol wrth y tîm ymchwilio, cliciwch fan hyn: https://mipp.police.uk/operation/6324A12-PO1

Cewch hefyd:

Adrodd ar-lein | https://www.dyfed-powys.police.uk/cy-GB/cysylltu-a-ni/af/cysylltu-a-ni-beta/cysylltu-a-ni/

E-bostio | [email protected],

Galw | 101

Fel arall, cysylltwch â’r elusen annibynnol Crimestoppers yn ddienw drwy alw 0800 555111, neu drwy alw heibio i crimestoppers-uk.org 

Dyfynnwch gyfeirnod: 306 14 Rhagfyr.