Dedfryd o garchar ar gyfer troseddwr rhyw

Mae dyn o’r Borth wedi’i ddedfrydu i garchar am droseddau rhyw nad ydynt yn ddiweddar yn erbyn plant.

Mae David Wyn Williams, 43 oed, wedi ei gael yn euog o bedwar trosedd rywiol, gan gynnwys treisio, yn erbyn dau o blant a dargedodd yn ystod eu plentyndod.

Yn ystod yr achos, clywodd y llys fod ymchwiliad wedi cychwyn gan swyddog Heddlu Dyfed-Powys, DC Lynette Jones, ar ôl i un dioddefwr ddatgelu troseddau rhywiol nad ydynt yn rhai diweddar.

Er gwaethaf natur yr honiadau nad ydynt yn ddiweddar, a heb unrhyw dystiolaeth DNA, roedd DC Jones yn parhau i fod yn benderfynol – ac yn dilyn ymholiadau helaeth, canfuwyd dioddefwr arall.

Yn dilyn ymchwiliad trylwyr a chymhleth, gan gynnwys gwaith gyda swyddogion INTERPOL ac awdurdodau Portiwgal ar gyfer ymgysylltu â thystion, darparwyd y dystiolaeth i Wasanaeth Erlyn y Goron, a awdurdododd gyhuddiadau o'r canlynol:

• Treisio (dau gyhuddiad);
• Ymgais i dreisio; a
• Gweithgaredd rhywiol gyda phlentyn (dau gyhuddiad).

Yn wreiddiol roedd yr achos i fod i gael ei glywed yn Llys y Goron Abertawe ym mis Ionawr eleni, fodd bynnag, cafodd ei ohirio a'i glywed gerbron rheithgor yn ystod wythnos 13 Mai.

Ar ôl ystyried am dair awr yn unig, dychwelodd y rheithgor reithfarn o euog ar droseddau dau gyhuddiad o dreisio a dau gyhuddiad o weithgaredd rhywiol gyda phlentyn. 

Cafodd Williams ddedfryd o 16 mlynedd yn y carchar ac mae’n destun cofrestriad ar y gofrestr troseddwyr rhyw a gorchymyn atal niwed rhywiol am gyfnod amhenodol.

Dywedodd y Ditectif Arolygydd Sam Gregory: “Hoffwn ganmol y dioddefwyr am eu dewrder a’u cryfder trwy gydol yr ymchwiliad hwn. 

“Mae Williams yn ysglyfaethwr rhywiol nad oedd yn ystyried ei ddioddefwyr, a oedd yn blant.

“Rwy’n gobeithio y bydd yr achos hwn yn ysbrydoli eraill a allai deimlo’n ofnus am godi llais yn erbyn pobl sy’n cam-drin. 

“Byddem yn annog unrhyw un sydd wedi dioddef trosedd rywiol i gyflwyno eich hyn a chael y gefnogaeth yr ydych yn ei lawn haeddu.”

• Am fanylion gwasanaethau cymorth a sut i adrodd am drosedd rywiol, gan gynnwys digwyddiadau nad ydynt yn ddiweddar, ewch i https://bit.ly/reportsexualoffences
• Os ydych wedi dioddef trosedd, rhowch wybod i Heddlu Dyfed-Powys, naill ai ar-lein yn: https://www.dyfed-powys.police.uk/cy-GB/cysylltu-a-ni/af/cysylltu-a-ni-beta/cysylltu-a-ni/, trwy anfon e-bost at [email protected], neu drwy ffonio 101. Os ydych yn fyddar, yn drwm eich clyw, neu ag amhariad lleferydd, anfonwch neges destun at y rhif ar gyfer negeseuon nad ydynt yn rhai brys ar 07811 311 908.
• Fel arall, cysylltwch â’r elusen annibynnol, Crimestoppers, yn ddienw drwy ffonio 0800 555111, neu drwy ymweld â crimestoppers-uk.org