Dau ddyn wedi eu harestio ar ôl i ddau dyfiant canabis ar raddfa fawr gael eu darganfod yn Y Trallwng

Mae dau ddyn wedi cael eu harestio ar ôl i tua 580 o blanhigion canabis gael eu darganfod mewn dau gyfeiriad yn Y Trallwng.

Gweithredodd swyddogion Heddlu Dyfed-Powys ddwy warant ar wahân yn hen adeiladau Savers a'r County Times ar Broad Street ar yr 2il a 3ydd o Fedi.

Mae Alban Qemalli (31) wedi’i gyhuddo o dyfu canabis a bydd yn ymddangos gerbron Llys Ynadon Wrecsam heddiw (Medi 4).

Mae ail ddyn, 27 oed, wedi’i arestio ar amheuaeth o dyfu canabis ac mae’n parhau yn nalfa’r heddlu.

Roedd y ddau yn tyfiant yn soffistigedig gyda nifer o gyllyll mawr, dyfeisiau electronig, planhigion ac offer tyfu cysylltiedig wedi'u hadfer.

Mae gwerth stryd posibl y planhigion canabis yn fwy na £450,000.

Dywedodd Ditectif Ringyll Lovatt: “Roedd hwn yn ymgyrch lwyddiannus iawn, a welodd gydweithio rhagorol rhwng nifer o adrannau o fewn Heddlu Dyfed-Powys.

“Rydym wedi ymrwymo i wneud ardal ein heddlu yn elyniaethus i’r rhai sy’n delio â chyffuriau anghyfreithlon, ac mae ein gwaith dros y ddau ddiwrnod wedi gweld swm sylweddol o ganabis yn cael ei dynnu allan o’r gadwyn gyflenwi.

Gallwch helpu ni i fynd i’r afael â thwf a chyflenwad cyffuriau, drwy riportio unrhyw bryderon neu wybodaeth, naill ai drwy:

🖥️ | https://bit.ly/HDPCysylltuArLein

📧 | [email protected]

💬 | Danfon neges uniongyrchol i ni ar y cyfryngau cymdeithasol

📞 | 101