Carcharu gwraig a’i phartner am gynllwynio i ladd ei gŵr o 10 mlynedd er mwyn parhau â’u perthynas

Cysylltodd ymchwiliadau fforensig digidol Mrs Mills â’r drwgdybiedigion yn fuan, gyda negeseuon rhyngddi hi a Berry’n datgelu eu bod nhw wedi bod mewn perthynas â’i gilydd.

Er ei bod hi wedi dweud wrth swyddogion nad oedd syniad ganddi pam y byddai ei gŵr yn cael ei dargedu, darganfuwyd bod Mrs Mills yn llwyr ymwybodol y byddai’r ymosodiad yn digwydd, a’i bod hi wedi chwarae rhan ganolog yn y cynllwyn i lofruddio ei gŵr.

Datgelodd negeseuon o fis Awst 2024 ymlaen ei bod hi a Berry wedi bod yn cynllwynio i ladd Mr Mills, gan drafod nifer o ffyrdd y gallent gymryd ei fywyd.

Roedd y rhain yn amrywio o’i fogi wrth iddo gysgu, neu roi gorddos o dabledi cysgu iddo, i’w wenwyno gyda gwrthrewydd yn ei refi neu fysedd y cŵn yn ei salad.

Aeth Berry mor bell â chysylltu â ffrind i ofyn iddo ble y gallai gael gwn gydag ataliwr, a sut i wneud i gar ffrwydro pan fyddai’r injan yn cael ei danio.

Roedd y negeseuon yn cynnwys dau ymweliad â charafán Mr Mills y rhoddwyd y gorau iddynt ar 28 a 29 Awst, gyda Berry’n brifo ei ben-glin ar ôl syrthio.

Ar y trydydd ymgais – ar 20 Medi – dywedodd Mrs Mills wrth Berry y byddai’n annog ei gŵr i yfed fel y byddai’n syrthio i gysgu.  

Adalwyd negeseuon gan Berry yn dweud wrth Mrs Mills ei fod wedi cyrraedd y parc gwyliau, eiliadau yn unig cyn iddynt ddefnyddio nerth i gael mynediad i’r garafán.

O ganlyniad i’r ymholiadau hyn, arestiwyd Mrs Mills yn ei chartref ym Maes Tŷ Gwyn, Llwynhendy. Esgusodd nad oedd hi’n gwybod unrhyw beth, ond dywedodd wrth y swyddog arestio y byddai’n “mynd i’r carchar am hyn”.  

Dywedodd y Ditectif Arolygydd Gregory: “O’r dechrau i’r diwedd, gwadodd Mrs Mills ei bod hi’n rhan o’r cynllwyn. I ddechrau, honnodd nad oedd hi’n adnabod y dynion a ymosododd ar ei gŵr. Yna, ar ôl cael gwybod bod y negeseuon hyn wedi’u datgelu, honnodd ei bod hi’n credu mai ffantasi ydoedd.

“Ni ddywedodd wrth Berry ar unrhyw adeg nad oedd hi eisiau rhoi unrhyw un o’u cynlluniau ar waith, na cheisio atal Berry rhag eu gwireddu. Ei unig bryder oedd peidio cael ei dal.”

Cafodd y tri drwgdybyn eu harestio a’u cyhuddo o gynllwynio i ladd Mr Mills. Cynhaliwyd eu hachos llys ym mis Hydref, lle y canfu rheithgor Michell Mills a Geraint Berry, y ddau ohonynt yn 46 oed, yn euog.

Heddiw, cawsant eu carcharu am 19 mlynedd.

Canfu Steven Thomas, 47 oed, o Glos Coffa yng Nghlydach, yn ddieuog o gynllwynio i lofruddio, ond roedd eisoes wedi cyfaddef i feddu ar arf saethu gyda’r bwriad o wneud i Christopher Mills gredu y byddai trais anghyfreithlon yn cael ei ddefnyddio yn ei erbyn ef neu rywun arall. Cafodd ei carcharu am 12 mis.

Dywedodd y Ditectif Arolygydd Gregory: “Mae’n hawdd colli’n pennau gyda’r manylion dramatig yn yr achos hwn, gyda’i holl droeon, ac anghofio bod dioddefydd tu ôl i’r penawdau syfrdanol a’r straeon tanbaid yn y cyfryngau, ond mae’n bwysig cydnabod bod bywyd Mr Mills wir wedi bod mewn perygl, a bod yr un ddynes y dylai fod wedi gallu ymddiried ynddi tu ôl i’r cynlluniau i gymryd ei fywyd.

“Er mwyn Mr Mills, rwy’n falch bod y broses cyfiawnder troseddol yn awr wedi dod i ben, a bod y tri diffynnydd wedi’u dedfrydu.

“Y mae wedi dioddef nifer mwy o heriau nag y gallwn ddychmygu dros y 15 mis diwethaf, o sylweddoli bod ei briodas, a oedd yn ymddangos yn hapus, drosodd, i gael gwybod bod ei wraig o 10 mlynedd wedi bod yn cynllwynio i’w ladd, gan orffen gyda hithau’n cael ei charcharu.

“Mae Mr Mills wedi dangos dewrder a chryfder cymeradwy drwy gydol ein hymchwiliad, ac rwy’n gobeithio ei fod nawr yn gallu symud ymlaen a chael y cyfle i brosesu digwyddiadau’r flwyddyn ddiwethaf.  

“O ran y diffynyddion - Michelle Mills, Geraint Berry a Steven Thomas - maen nhw nawr yn wynebu canlyniadau eu gweithredoedd.

“Er gwaethaf eu pledion dieuog, a honiadau mai anwireddau oedd y cynllwynion i ladd Mr Mills, roedd y dystiolaeth yn dangos bod cynllwyn Mills a Berry’n hollol wir a’u bod wedi gwneud sawl ymgais i geisio ei gael i ddwyn ffrwyth.

“Credaf fod Mills a Berry ill dau’n unigolion oer a chyfrwys, sydd heb ddangos unrhyw edifeirwch am eu gweithredoedd serch y dinistr maen nhw wedi achosi.

“Bu’r ymchwiliad hwn yn un unigryw a chymhleth, a hoffwn ddiolch i’r holl swyddogion a staff a weithiodd yn ddiwyd i gasglu tystiolaeth gref er mwyn sicrhau’r euogfarnau hyn a dedfrydau cryf.”

DI Gregory said: “It is easy to get carried away by the dramatic details in this case, with its many twists and turns, and to forget that there is a victim behind the sensational headlines and lurid media stories. But it is important to acknowledge that Mr Mills’ life was truly at risk, and the person he should have been able to trust the most was behind the plans to harm him.

“I am pleased for Mr Mills’ sake that the criminal justice process has now come to an end, and that the three defendants have been sentenced.

“He has endured an unimaginable number of challenges over the past 15 months, from the realisation that his seemingly happy marriage was over, to being told his wife of 10 years had been plotting to kill him, and ending with her being jailed.

“Mr Mills has shown admirable strength and courage throughout our investigation, and I hope he is now able to move on and have the space to process the events of the past year.

“As for the defendants – Michelle Mills, Geraint Berry and Steven Thomas – they are now facing the consequences of their actions.

“Despite their not guilty pleas, and claims that the plots to kill Mr Mills were just fabrications, the evidence showed that Mills and Berry’s conspiracy was very real and that there had been multiple attempts to bring their plots to fruition.

“I believe both Mills and Berry are cold and calculated individuals, who have shown no remorse for their actions despite the devastation they have caused.

“This has been a complex and unique investigation, and I would like to thank all the officers and staff who worked diligently to gather strong evidence to secure these convictions and strong sentences.”