EUOG | Dyn yn cyfaddef ei fod wedi dwyn gwerth bron £30,000 o offer o siop yn Aberystwyth.

EUOG | Dyn yn cyfaddef ei fod wedi dwyn gwerth bron £30,000 o offer o siop yn Aberystwyth.

Mae dyn 48 oed wedi pledio’n euog i fwrglera ar ôl i werth miloedd o bunnoedd o offer gael eu dwyn o siop drydanol yn Aberystwyth.

Derbyniodd Heddlu Dyfed-Powys alwad yn adrodd bod byrgleriaeth wedi digwydd yn siop CEF Electrical yn Aberystwyth rhywbryd rhwng 3 o’r gloch brynhawn ddydd Sul 29 Medi a 7.15 o’r gloch fore ddydd Llun 30 Medi 2024.

Esboniodd perchennog y siop ei fod wedi sylwi bod y drws ffrynt wedi’i falu pan gyrhaeddodd y siop fore ddydd Mawrth, a bod y gwifrau a oedd wedi’u cysylltu â’r system larwm wedi’u torri.  

Tu mewn i’r adeilad, sylwodd fod sawl eitem – offer trydanol pŵer uwch yn bennaf – wedi’u cymryd. Cyfrifodd y siopwr mai tua £30,000 oedd gwerth yr eitemau a gafodd eu dwyn.

Anfonwyd swyddogion i’r lleoliad a dechreuasant sicrhau tystiolaeth fforensig o’r lleoliad a chynnal ymholiadau TCC ac o dŷ i dŷ.

Cipiodd camerâu TCC gerbyd yn mynychu’r busnes tua 11.30 o’r gloch y noson gynt ac yn dychwelyd i’r busnes tua 1 o’r gloch y bore.

Cadarnhaodd gwiriadau bod y cerbyd yn eiddo i Christopher Cole, 48 oed, o Hackney, Llundain.

Roedd swabiau DNA a gymerwyd o du mewn i baen ffenestr hefyd yn dangos bod Christopher Cole yn bresennol yn lleoliad y trosedd.

Enwyd Cole fel drwgdybyn yn eisiau ac arweiniodd ymholiadau chwilio helaeth at ei arést yn Rugby, Lloegr, gan Heddlu Swydd Hampshire ddydd Mercher 19 Tachwedd. Daethpwyd â’r drwgdybyn i mewn i orsaf heddlu Aberystwyth i gael ei gwestiynu.

Wedi hynny, cyhuddwyd Cole o fwrglera a chafodd ei ryddhau ar fechnïaeth amodol. Ar dydd Llun 22 Rhagfyr, cyfaddefodd y dyn 48 oed i’r drosedd ac fydd yn gael ei ddedfrydu yn llys coron Abertawe ar 30 Ionawr 2026.

Dywedodd Cwnstabl Joe Roberts, y swyddog yn yr achos hwn: “Roedd hwn yn drosedd difrifol a gyflawnwyd gan ddyn a gredodd y gallai deithio’n i’n hardal heddlu a thargedu busnes lleol er ei fudd ei hun.

“Yn ddealladwy, mae’r trosedd hwn wedi cael effaith sylweddol ar y busnes a’i weithwyr, ac rwy’n gobeithio bydd y canlyniad hwn yn eu sicrhau na fydd Heddlu Dyfed-Powys yn goddef troseddwyr teithiol yn ein hardal. Disgwyliwn yn eiddgar am ei ddedfryd.”