Atafaelu asedau gwerth dros £50,000 a dedfrydu gwerthwr cyffuriau yn Sir Drefaldwyn
Cynnwys y prif erthygl
Arestiwyd Maximilian Woolrych-Higgins, 20 oed, o Gastell Caereinion, am fod yn gysylltiedig â gwerthu cyffuriau dosbarth A a dosbarth B yn dilyn gwarant yn ei gyfeiriad ar 20 Medi 2024.
Er na chafodd llawer o gyffuriau ac arian eu hatafaelu yn ystod y warant, cynhaliodd swyddogion arbenigol ymholiadau helaeth i mewn i ddyfeisiau digidol a chanfod nifer o fideos yn dangos Woolrych-Higgins gyda lapiadau arian mawr, yn amrywio o gannoedd i filoedd o bunnoedd. Hefyd, daethant o hyd i negeseuon testun a lluniau’n awgrymu ei fod wedi bod yn ymwneud llawer â dosbarthu cyffuriau ar draws Powys am fisoedd lawer.
Cynhaliwyd ail warant mewn cyfeiriad yn Llanfechain ar 28 Ionawr 2025, lle yr atafaelwyd eitemau gwerth dros £50,000, a byddant nawr yn rhan o ymchwiliad elw troseddau.
Ymddangosodd Maximilian Woolrych-Higgins yn Llys Merthyr Tudful ar 30 Ionawr 2025, wedi’i gyhuddo o fod yn gysylltiedig â chyflenwi cocên a chanabis rhwng Tachwedd 2023 ac Ionawr 2025. Yn dilyn dedfryd euog yn Llys y Goron yr Wyddgrug ar 27 Chwefror 2025, heddiw, cafodd ei ddedfrydu i tair blynedd a pedwar mis.
Dywedodd y Swyddog Ymchwilio, y Ditectif Gwnstabl Phil Coombes:
“Mae’r achos hwn yn dangos ein bod ni’n medru erlyn y rhai sy’n gysylltiedig â chyflenwi cyffuriau hyd yn oed os nad ydynt wedi cael eu dal â’r cyffuriau yn eu meddiant.
“Mae gwerthu cyffuriau’n falltod yn ein cymunedau a bydd pobl fel Woolrych-Higgins, sy’n ceisio elwa o ledaenu diflastod, bob amser ar ein radar.
“Diolch i waith diflino ein swyddogion, mae’r ffynhonnell hon o gyffuriau dosbarth A a B wedi’i atal yn awr, a gobeithiwn fod hyn yn anfon neges i werthwyr cyffuriau eraill y byddwn ni’n gweithredu ac yn eu hatal nhw hefyd.”