Dyn o Aberdaugleddau’n cael ei garcharu am chwe blynedd ar ôl cuddio cocên mewn car heddlu
Cynnwys y prif erthygl
Mae dyn o Aberdaugleddau wedi ei garcharu am chwe blynedd ar ôl ceisio cuddio bron 50 gram o gocên dan sedd car heddlu wedi iddo gael ei arestio.
Roedd Shaun Clawson, 39 oed, wedi bod yn deithiwr mewn car Seat Leon ar 1 Chwefror, pan stopiodd swyddogion y cerbyd ar yr A40 ger Sanclêr.
Canfuwyd Clawson gyda ffôn, lapiad cling ffilm a llwy yn cynnwys olion powdr gwyn yn y cafn troed lle bu’n eistedd.
Wedi iddo gael ei arestio, dangosodd darn ffilm o gamera yng nghar yr heddlu Clawson yn tynnu lapiad cling ffilm o boced cefn ei drowsus a’i ollwng ar lawr y car pan oedd yn cael ei drosglwyddo i’r ddalfa.
Roedd y lapiad yn cynnwys tua 48.5g o grac cocên gyda gwerth amcangyfrifedig o £4,850.
Plediodd Clawson yn euog o feddiant gyda’r bwriad o gyflenwi cocên yn Llys y Goron Abertawe ar ddydd Mercher, 5 Mawrth, 2025. Dedfrydwyd ef i chwe blynedd o garchar.
Cafodd tri arall dan amheuaeth hefyd eu harestio ar y safle am feddiant gyda’r bwriad o gyflenwi cyffur dosbarth A ac maent wedi ei rhyddhau ar fechnïaeth tra cynhelir ymholiadau pellach.
Dywedodd y Ditectif Ringyll Vinny Barrett, o Heddlu Dyfed Powys:
“Dylai’r ddedfryd hon fod yn rhybudd i unrhyw un sy’n ystyried cymryd rhan yng nghyflenwi cyffuriau anghyfreithlon na fydd Heddlu Dyfed Powys yn goddef cyflenwi cyffuriau dosbarth A i mewn i’n cymunedau. Byddwn yn gweithio i dargedu’n ddi-baid y rhai hynny sy’n cymryd rhan mewn cyflenwi sylweddau anghyfreithlon.”
I riportio unrhyw beth amheus neu bryderon ynghylch gwerthu a chymryd cyffuriau yn y gymuned cysylltwch â Heddlu Dyfed Powys naill ai ar ar-lein neu drwy anfon e-bost at [email protected], neu drwy ffonio 101.
Os ydych yn fyddar, yn drwm eich clyw neu os oes gennych amhariad lleferydd anfonwch neges destun at y rhif difrys 07811 311 908101.
Fel arall, cysylltwch â’r elusen annibynnol Crimestoppers yn ddienw drwy ffonio 0800 555111, neu drwy fynd at crimestoppers-uk.org.
I gael cyngor a chefnogaeth, ewch at cliciwch yma