Lansio Ap Negeseua Cymunedol Newydd ledled Canolbarth a Gorllewin Cymru
Cynnwys y prif erthygl
Lansio Ap Negeseua Cymunedol Newydd ledled Canolbarth a Gorllewin Cymru
Mae Heddlu Dyfed-Powys wedi lansio ap negeseua newydd sbon i ddod â gwybodaeth am blismona, trosedd ac ymddygiad gwrthgymdeithasol yn syth i’ch mewnflwch e-bost.
Gall pobl o Sir Gaerfyrddin, Ceredigion, Sir Benfro a Phowys nawr gael y wybodaeth ddiweddaraf a dweud eu dweud am yr hyn sy’n digwydd ble maen nhw’n byw neu’n gweithio gyda’r system negeseua ryngweithiol newydd, sy’n rhad ac am ddim.
Dywedodd y Prif Uwch-arolygydd Clark Jones-John:
“Mae Heddlu Dyfed-Powys wedi ymrwymo i wrando ar bryderon y gymuned ac ymateb iddynt, ac mae cyfres o ffyrdd yr ydym eisoes yn siarad â phobl yn y cymunedau rydyn ni’n eu gwasanaethu, ond gwyddwn y gallwn wneud mwy.”
Gan lanio’n uniongyrchol yn eich e-byst, bydd defnyddwyr yn derbyn y wybodaeth ddiweddaraf am faterion plismona lleol, digwyddiadau cymunedol, cyngor atal trosedd a mwy.
“Deallwn nad yw pawb eisiau ymgysylltu â’r heddlu ar gyfryngau cymdeithasol, neu siarad â ni wyneb yn wyneb, felly mae Dyfed-Powys yn Cysylltu’n cynnig ffordd newydd o’n cysylltu â’r cyhoedd a bydd yn ein helpu i estyn allan a chlywed gan hyd yn oed mwy o bobl er mwyn sicrhau ein bod ni’n mynd i’r afael â phryderon lleol,” meddai.
“Mae ein cymunedau’n chwarae rôl allweddol o ran atal a datrys troseddau ac ymddygiad gwrthgymdeithasol.
“Byddwn yn annog unrhyw un sydd eisiau gwybod mwy am yr hyn mae’r heddlu’n gwneud yn ei ardal, neu sydd eisiau helpu i wella plismona cymunedol a diogelwch ei gymdogaeth, i gofrestru heddiw.”
System negeseua ddwy ffordd, a weithredir gan Heddlu Dyfed-Powys, i’ch cysylltu â’ch Tîm Plismona Bro ac Atal Lleol yw Dyfed-Powys yn Cysylltu.
Yn fwy na system negeseua yn unig, gall defnyddwyr benderfynu pryd a sut maen nhw’n cael eu hysbysu a dewis yr hysbysiadau sydd bwysicaf iddynt.
Maen nhw hefyd yn medru ymateb yn uniongyrchol i hysbysiadau i roi adborth a rhannu pryderon yn uniongyrchol â’r tîm plismona lleol.
Mae’r gwasanaeth newydd hefyd yn cynnig mynediad i arolygon chwarterol, gan alluogi’r cyhoedd i fod yn weithgar o ran helpu Heddlu Dyfed-Powys yn eich ardal chi’n effeithiol.
Cadwch eich bys ar y pwls. Cadwch mewn cysylltiad. Mae ymuno’n hawdd, yn syml ac am ddim.
Cofrestrwch nawr ar Cyswllt Dyfed-Powys.
Nid yw Dyfed-Powys yn Cysylltu ar gyfer adrodd am droseddau neu ddigwyddiadau, ac nid yw negeseuon yn cael eu monitro 24 awr y dydd.
Er mwyn adrodd am rain, cysylltwch â Heddlu Dyfed-Powys drwy
https://www.dyfed-powys.police.uk/cy-GB/cysylltu-a-ni/af/cysylltu-a-ni-beta/cysylltu-a-ni/
Danfon neges uniongyrchol i ni ar y cyfryngau cymdeithasol
101