EUOG | Dyn yn cyfaddef iddo deithio o Gaerdydd i Sir Benfro i gyflenwi cyffuriau dosbarth A.

Plediodd Daniel Rockett, 43, o Rhiwderyn Close, Caerdydd, yn euog i feddu â’r bwriad o gyflenwi cyffuriau dosbarth A a bod yn gysylltiedig â chyflenwi cocên yn Llys y Goron Abertawe heddiw (21 Awst).

Am oddeutu 11.45 o’r gloch nos Fawrth 21 Gorffennaf, stopiodd swyddogion plismona’r ffyrdd Sir Benfro gerbyd ar yr A4076 ger Johnston, Hwlffordd, yn dilyn gwybodaeth bod y car yn cael ei ddefnyddio i ddelio cyffuriau.

Gweithredoedd swyddogion ar dystiolaeth bod cerbyd Rockett - Nissan Qashqai arian - wedi teithio o Gaerdydd i Aberdaugleddau ar dri achlysur gwahanol yr wythnos cyn iddo gael ei arestio, gan aros yn yr ardal am gyn lleied â 10 munud cyn dychwelyd i Gaerdydd.

 rheswm i amau bod y teithiau rheolaidd hyn ar gyfer dibenion gwerthu cyffuriau, ymunodd ditectifs ac Eric, ci heddlu, â swyddogion plismona’r ffyrdd i chwilio’r cerbyd.

Yng nghist y car, daeth y tîm o hyd i 142g o gocên mewn bag ategolyn ffôn symudol a oedd wedi’i guddio yn yr adran ar gyfer olwyn sbâr.  

Awgrymodd arbenigwr cyffuriau yn Heddlu Dyfed-Powys y byddai gwerth cymaint â hynny o gocên ar y stryd rhwng £14,240 a £17,800.

Arestiwyd Rockett ar amheuaeth o feddu â’r bwriad o gyflenwi cyffuriau dosbarth A, ac fe’i cyhuddwyd yn ddiweddarach a’i gadw yn y ddalfa.

Wrth chwilio ei gartref, daethpwyd o hyd i fwy o declynnau yn ymwneud â chyffuriau a symiau bach o ganabis a chocên. Cryfhaodd negeseuon testun a lawrlwythwyd o ffôn symudol Rockett yr achos bod Rockett yn gysylltiedig â chyflenwi cocên ymhellach.

Er ei fod wedi ceisio darbwyllo swyddogion ei fod yn cael ei fygwth i werthu cyffuriau i gychwyn, pleidiodd Daniel Rockett yn euog i’r cyhuddiadau o flaen y barnwr yn Llys y Goron Abertawe.  

Bydd yn cael ei ddedfrydu ar 10 Medi 2026.

Dywedodd y Ditectif Ringyll Vinny Barrett: “Arweiniodd cryfder y dystiolaeth yn erbyn Rockett ato’n pledio’n euog heddiw, a chroesawn ei benderfyniad i dderbyn cyfrifoldeb am ei droseddu.

“Does dim esgus rhesymol dros ddod â chyffuriau i’n hardal heddlu, ac mae’r canlyniad hwn yn dyst i’n hymrwymiad i wneud ardal Dyfed-Powys yn elyniaethus i’r rhai sy’n gwerthu cyffuriau.

“Disgwyliwn ei ddedfryd.”