DEDFRYDWYD | Carcharwyd treisiwr am saith mlynedd yn Llys y Goron Abertawe

Heddiw (22/7) cafodd Alan Raymond Pyart, 60 oed, o Hwlffordd ei garcharu am saith mlynedd yn Llys y Goron Abertawe am drais ac ymosodiad rhywiol heb fod yn ddiweddar a ddigwyddodd yn 1988.

Digwyddodd y troseddau yn Hwlffordd yn Awst 1988 yn erbyn unigolyn a oedd bryd hynny’n ferch yn ei harddegau. Cafwyd Pyart yn euog o achos o drais ac achos o ymosodiad rhywiol drwy dreiddio digidol yn dilyn treial wythnos o hyd yn Chwefror eleni.

Dywedodd y Ditectif Arolygydd Sarah Totterdale o CID Sir Benfro: “Mae’r achos hwn yn dangos yr effaith hirdymor y gall cam-drin rhywiol ei gael ar ddioddefwyr a’u teuluoedd. Hoffwn gymeradwyo’r dioddefydd am y dewrder aruthrol a ddangosodd wrth ddod ymlaen a siarad am yr hyn a ddigwyddodd iddi’r holl flynyddol yn ôl.

“Gall camdriniaeth o’r natur hon adael creithiau parhaus, ond nid yw byth yn rhy hwyr ceisio cyfiawnder. Rydym yn gobeithio y bydd yr euogfarn a’r dedfrydu hyn yn anfon neges glir y bydd Heddlu Dyfed Powys yn erlid troseddwyr, waeth faint o amser sydd wedi pasio.

“Rydw i hefyd eisiau annog unrhyw un sydd wedi dioddef cam-drin rhywiol, boed hynny’n ddiweddar neu nifer o flynyddoedd yn ôl, i roi gwybod i ni amdano. Byddwn yn gwrando arnoch, yn eich cefnogi, ac yn eich cymryd o ddifri.”

Os oes angen cefnogaeth arnoch yn dilyn trais neu ymosodiad rhywiol, gallwch gael cymorth a chefnogaeth yma: Cefnogaeth ar ôl trais rhywiol ac ymosodiadau rhywiol | Heddlu Dyfed-Powys

I roi gwybod am drais neu drosedd rhywiol, ewch at ein gwefan yma: Ripotrio treisio, ymosod rhywiol a throseddau rhywiol eraill | Heddlu Dyfed-Powys