Galwch heibio i’n gweld ni yn Eisteddfod y Garreg Las yn Sir Benfro

Ry’n ni’n barod ar gyfer wythnos gyffrous arall ar y Maes yn Eisteddfod y Garreg Las yn Sir Benfro.

Cewch hyd inni ar y Maes ar stondin 501;502;503 rhwng 9.30y.b. a 4.30y.h, lle gallwch gwrdd â swyddogion a staff, cael hun-lun mewn lifrai heddlu, archwilio amryw o gerbydau heddlu a mwy!

Drwy gydol yr wythnos, bydd aelodau o’n teulu heddlu gyda ni’n cynrychioli’r heddlu.

Os ydych chi’n meddwl tybed pa gymwysterau sydd angen arnoch i ymuno â’r heddlu, neu pa fathau o swyddi sydd ar gael, bydd ein tîm recriwtio wrth law ddydd Llun 1 Awst, dydd Mawrth 4 Awst, dydd Iau 6 Awst, dydd Gwener 7 Awst a dydd Sadwrn 8 Awst i ateb eich holl gwestiynau.

Bydd ein Hymchwilwyr Lleoliadau Trosedd yno hefyd! Â llu o weithgareddau hwyliog drwy gydol yr wythnos, cewch weld sut maen nhw’n amlygu tystiolaeth anweladwy, sut mae’r arbenigwyr yn cysylltu olion bysedd ac olion esgidiau mae troseddwyr yn gadael ar eu hôl, a gwneud eich allweddell ôl bys eich hun i fynd adref gyda chi.

Cewch y wybodaeth ddiweddaraf am y gwahanol ffyrdd o gadw’ch hun yn ddiogel ar-lein – o adnabod twyll deallusrwydd artiffisial, i ddiogelu eich dyfeisiau digidol, diolch i’n Tîm Troseddau Economaidd, a fydd gyda ni ddydd Llun 3 Awst a dydd Iau 6 Awst.

Bydd cyfle hefyd i ymwelwyr gwrdd â’n Swyddogion Heddlu Ysgolion a’n Swyddogion Plismona Bro ac Atal, a fydd yn darllen stori bob dydd ac yn rhannu’r gwaith pwysig maen nhw’n ei wneud yn ein cymunedau ledled ardal Dyfed-Powys.

Bydd ein Prif Gwnstabl, Ifan Charles, gyda ni ar y Maes ddydd Llun 3 Awst.

Meddai: “Eleni, ry’n ni’n dathlu 850 mlynedd ers yr Eisteddfod gyntaf un, yma yn ardal Dyfed-Powys.

“Yr Eisteddfod Genedlaethol yw’r ŵyl ddiwylliannol fwyaf yng Nghymru. Mae’n denu miloedd o ymwelwyr bob blwyddyn i ddathlu ein treftadaeth a’n diwylliant Cymreig bywiog.

“Pa well gyfle i ymgysylltu â’n cymunedau nag ar y Maes.

“Mae’r ŵyl hon yn rhoi cyfle inni gwrdd â chymaint o bobl ac mae’n dod â chenedlaethau at ei gilydd, gan greu cyfleoedd i gwrdd â ffrindiau hen a newydd, rhannu straeon, a chryfhau’r clymau sy’n ein huno.

“Fel prif swyddog, rwyf bob amser wedi fy ysbrydoli gan y cynhesrwydd, balchder ac ymdeimlad o berthyn mae’r achlysuron hyn yn meithrin, ac mae’n fraint cwrdd â chymaint o aelodau o’r gymuned a dathlu’r garreg filltir arbennig hon gyda’n gilydd.

“Bydd ein stondin yn cynnal nifer o weithgareddau hwyliog, felly os ydych chi’n dod i ddathlu eleni, galwch heibio am glonc.”

Cyrraedd Eisteddfod y Garreg Las – Llantwd

Gan ddechrau'r penwythnos hwn (dydd Sadwrn Awst 1af) bydd miloedd o ymwelwyr yn heidio i Sir Benfro hardd i ddathlu'r Eisteddfod Garreg Las yn Llantwd.

Disgwylir i'r ffyrdd fod yn brysurach nag arfer, a disgwylir tagfeydd yn yr ardal, felly rydym yn awgrymu eich bod yn cynllunio'ch taith ymlaen llaw o ba gyfeiriad bynnag yr ydych yn teithio.

🚗 Dod â'r car? – Gwnewch yn siŵr eich bod yn dilyn yr arwyddion melyn "Eistedd" i gyrraedd y maes, sydd yno i helpu llif y traffig.

⏰ Cynlluniwch amser ychwanegol ar gyfer eich taith

↔️ Rhowch ddigon o amser a lle i chi'ch hun i ymateb, a byddwch yn ymwybodol o bellteroedd stopio

🤝 Byddwch yn barchus tuag at ddefnyddwyr eraill y ffordd

⚠️Dilynwch yr arwyddion i'r meysydd parcio am ddim, a pheidiwch â pharcio ar ochr y ffordd (mae cyfyngiadau parcio yn berthnasol)

🪧 Mannau gollwng – Mae ardal bwrpasol ar gyfer bysiau a thacsis i godi a gollwng teithwyr ger y fynedfa.

Does dim ots a ydych chi'n bwriadu teithio i'r Maes ar feic, trên, bws neu gar, fe welwch chi'r holl gyfarwyddiadau a gwybodaeth sydd eu hangen arnoch i gyrraedd yno yma

Gyrrwch yn ofalus mewn ardaloedd i gerddwyr.         

Os ydych chi’n bwriadu teithio i’r Maes ar feic, ar drên, ar fws neu mewn car, cewch hyd i’r holl gyfeiriadau a’r wybodaeth sydd angen arnoch i gyrraedd yno ar wefan yr Eisteddfod Genedlaethol.