Cysylltwch â’ch Tîm Plismona Bro ac Atal lleol
Cynnwys y prif erthygl
Nid yw Timoedd Plismona Bro ac Atal erioed wedi bod mor hygyrch.
Gallwch nawr anfon neges uniongyrchol at y Tîm Plismona Bro ac Atal yn eich ardal chi, cael diweddariadau am weithgarwch plismona, a helpu i lunio blaenoriaethau plismona yn eich cymuned.
Gwasanaeth a gyflwynwyd i adael i swyddogion roi hysbysiadau ardal leol am eu gweithgarwch, troseddau, ymddygiad gwrthgymdeithasol, digwyddiadau, a mwy yw Cyswllt Dyfed-Powys. Gall cymunedau lleol ddweud eu dweud am flaenoriaethau a chwarae rhan weithredol mewn helpu Heddlu Dyfed-Powys i wneud eu hardal yn fwy diogel.
Mae Cyswllt Dyfed-Powys eisoes wedi’i ddefnyddio i newid gweithrediadau plismona’r ffyrdd. Mae arolygon a gyflwynir ar Gyswllt Dyfed-Powys yn cael eu cyfuno â data gwrthdrawiadau a chudd-wybodaeth leol. Yna, mae’r Tîm Plismona Bro ac Atal yn cwrdd ag Unedau Plismona’r Ffyrdd a GanBwyll i gynllunio gweithrediadau diogelwch y ffyrdd targedig. Mae manylion a diweddariadau’n cael eu postio ar Gyswllt Dyfed-Powys i roi’r wybodaeth ddiweddaraf i bobl a gadael iddynt roi adborth.
Dywedodd y Prif Arolygydd Dominic Jones o Heddlu Dyfed-Powys:
“Mae’r wybodaeth mae pobl yn rhoi inni drwy Gyswllt Dyfed-Powys yn amhrisiadwy. Mae’n gadael i’n timoedd fynd i ganol cymunedau sy’n cael trafferth â’r materion hyn.
“Ffordd newydd inni siarad â phobl yn uniongyrchol a chael sgyrsiau sy’n ffurfio’r hyn mae ein swyddogion yn ei wneud yw Cyswllt Dyfed-Powys.
“Po fwyaf y cawn gan bobl ar Gyswllt Dyfed-Powys, po fwyaf y gallwn dargedu’r ymddygiad hwn a gwneud ein ffyrdd yn fwy diogel i bawb.”
Does dim tâl i gofrestru ar gyfer Cyswllt Dyfed-Powys, a chewch hyd iddo ar-lein neu fel ap. Mae’n rhoi hysbysiadau ardal leol am weithgarwch plismona cyffredinol, ymddygiad gwrthgymdeithasol, digwyddiadau, negeseuon atal a mwy.
Cyhoeddir gweithgarwch a chanlyniadau ymgyrchoedd diogelwch y ffyrdd ar Gyswllt Dyfed-Powys. Cewch gofrestru fan hyn : Hafan – Cyswllt Dyfed-Powys
Nid yw Dyfed-Powys yn Cysylltu ar gyfer adrodd am droseddau neu ddigwyddiadau, ac nid yw negeseuon yn cael eu monitro 24 awr y dydd.
Er mwyn adrodd am rain, cysylltwch â Heddlu Dyfed-Powys drwy https://www.dyfed-powys.police.uk/cy-GB/cysylltu-a-ni/af/cysylltu-a-ni-beta/cysylltu-a-ni/
Danfon neges uniongyrchol i ni ar y cyfryngau cymdeithasol
101