Mae dau siopleidr a oedd yn eisiau wedi’u cyhuddo o 20 trosedd yn dilyn cyfres o ddigwyddiadau yn y Drenewydd.

Cyhuddwyd y ddau siopleidr mynych o gyflawni 20 trosedd rhyngddynt, ac mae Heddlu Dyfed-Powys nawr ymysg y gorau yn y DU am ganlyniadau achosion siopladrata.

Arestiwyd a chyhuddwyd Connor Evans, 28 oed, a Tyler Jefferies, 26 oed, o’r Drenewydd, o 19 trosedd siopladrata rhyngddynt ac un trosedd o fethu ag ymddangos.

Mae’r digwyddiadau’n mynd yn ôl i fis Mawrth, gyda’r pâr yn dwyn eitemau a ddaeth i gyfanswm o tua £1000 o siopau ar draws y Drenewydd. Cysylltodd ein swyddogion bro pob digwyddiad â nhw ac adeiladu achos. Cawsant eu harestio ar 8 Mehefin 2026 ac fe wnaethant gyfaddef i bob trosedd yn y cyfweliad.

Byddant yn ymddangos yn Llys Ynadon y Trallwng ddydd Mawrth 30 Mehefin 2026.

Mae’r gwaith a wnaed i adeiladu achos ac arestio’r siopladron mynych yn un enghraifft o’r gwelliannau diweddar rydyn ni wedi’u gwneud yn y maes hwn. Rydyn ni’n falch ein bod ni nawr ymysg yr uchaf yn y DU am gyfraddau canlyniad ar gyfer troseddau siopladrata. Golyga hyn bod mwy o bobl yn cael eu hadnabod a’u cyhuddo, gan roi cyfle i berchnogion siop weld cyfiawnder.

Mae rhagor o welliannau ar y ffordd yn sgil cyflwyno’r ap ‘Auror’. Mae’r ap symudol a phen desg hwn yn galluogi mân-werthwyr i adrodd am droseddau nad ydynt yn rhai treisgar, megis siopadrata, yn uniongyrchol i’r heddlu mewn ffordd strwythuredig a chyson. Gellir lanlwytho delweddau o droseddwyr neu gerbydau, datganiadau tyst a darnau ffilm TCC hefyd, gan roi mynediad i swyddogion ymchwilio at dystiolaeth o safon uchel a chudd-wybodaeth i gefnogi’r ymchwiliad i droseddau mân-werthu a throseddau mwy difrifol.

Mae’r llwyfan hefyd yn cynnig swyddogaeth cudd-wybodaeth trosedd sy’n defnyddio deallusrwydd artiffisial i gysylltu digwyddiadau a chreu proffiliau o droseddwyr mynych.

Dywedodd yr Arolygydd Mark Davies o Heddlu Dyfed-Powys:

“Mae canlyniadau ein hachosion siopladrata wedi gwella’n sylweddol. Mae ein swyddogion plismona bro ac atal a’n swyddogion atal trosedd wedi datblygu perthnasau cryf â mân-werthwyr ac rydyn ni’n gweld mwy o siopladron nag erioed yn cael eu cyhuddo.

“Bydd y gwaith sydd yn yr arfaeth o ran yr ap Auror ond yn cryfhau’r perthnasau hynny ac yn rhoi mwy o fynediad inni at dystiolaeth o safon uchel. Rydyn ni’n hyderus y gallwn barhau i adeiladu ar lwyddiant y misoedd diwethaf a gweithio gyda mân-werthwyr i wneud ein cymunedau’n fwy diogel byth.”

Cewch hysbysiadau am y gweithgarwch yn eich ardal chi a siarad yn uniongyrchol â’r Tîm Plismona Bro ac Atal drwy Gyswllt Dyfed-Powys. Cewch gofrestru fan hyn: Hafan – Cyswllt Dyfed-Powys