Cyhoeddi rhybudd ynghylch adroddiadau am dwyll cludwr
Cynnwys y prif erthygl
Mae’r heddlu’n annog cymunedau ledled ardal Dyfed-Powys i fod yn wyliadwrus ynghylch twyll sy’n mynd rhagddo yn dilyn pryderon cynyddol am dwyll cludwr.
Mae nifer cynyddol o alwadau wedi’u derbyn mewn perthynas â throseddwyr yn dynwared swyddogion heddlu. Â’r nod o’ch twyllo i drosglwyddo arian neu gardiau banc, maen nhw’n defnyddio tactegau clyfar i sicrhau bod eu dioddefwr yn ymddiried ynddynt, gan gynnwys rhannu manylion personol mae’n hawdd cael gafael arnynt, megis ei enw a’i gyfeiriad.
Efallai bydd y galwr yn honni ei fod y swyddog heddlu, gan ddweud bod arést wedi ei wneud a bod eich manylion personol a cherdyn wedi’u canfod yn ei feddiant, neu fod y manylion hynny wedi’u cyfaddawdu mewn achos o dor diogelwch data ar-lein.
Ataliwyd un dioddefydd diweddar, gan ei arbed rhag trosglwyddo cannoedd o bunnoedd i dwyllwyr.
Mynegodd cyfnewidfa arian bryderon am gwsmer oedrannus a oedd eisiau tynnu llawer iawn o Ewros allan, gan honni bod yr arian ar gyfer gwyliau. O ganlyniad i’r alwad, fe wnaeth gweithredu a rhyng-gipio gan yr heddlu achub y dioddefwr rhag colli ei arian. Llwyddodd y swyddogion i siarad gyda’r dioddefydd oedrannus, ac er ei fod yn benderfynol nad oedd unrhyw broblemau i gychwyn, fe lwyddon nhw i sefydlu bod troseddwyr wedi cysylltu ag ef. Honnodd y troseddwyr eu bod yn swyddogion heddlu, a dweud wrtho fod angen cymorth arnynt.
Gyda’u ffyrdd soffistigedig, efallai na fyddant yn cadw at ddulliau twyll cludwr traddodiadol, megis tynnu arian allan. Maen nhw hefyd yn twyllo’r dioddefwyr i brynu nwyddau drud ar-lein neu dros y ffôn ar eu cyfer, megis aur neu oriorau.
Dywedodd Rebecca Williams, Swyddog Diogelu Rhag Twyll:
“Mae’r troseddwyr hyn yn gredadwy iawn, ac fe allant hyd yn oed gofyn i’r dioddefydd alw 999 i gadarnhau pwy ydynt. Fodd bynnag, nid yw’r troseddwyr yn ffôn i lawr, felly pan mae’r dioddefwr yn galw’r rhif ffôn sy’n bodoli, mae’n dal i fod yn siarad gyda’r troseddwyr.
“Rydyn ni’n annog unrhyw un sy’n derbyn galwad o’r fath i ddefnyddio ffôn arall, megis ffôn symudol, neu gysylltu â ffrind/perthynas cyn ceisio dilysu’r alwad.
“Mae Heddlu Dyfed-Powys yma i’ch cefnogi, ac rydyn ni’n parhau i gefnogi dioddefwyr sydd wedi colli degau o filoedd o bunnoedd i’r twyll hwn yn barod. Rydyn ni eisiau ichi gofio bod y troseddwyr hyn yn dwyllwyr proffesiynol. Ni fydd yr heddlu byth yn gofyn ichi dynnu arian ar gyfer unrhyw wlad allan, trosglwyddo arian, prynu aur, neu roi’ch cerdyn banc a’ch rhif PIN iddynt.
“Os ydych chi wedi derbyn galwad o’r fath, neu wedi’ch darbwyllo i anfon arian, peidiwch â theimlo embaras na chywilydd i adrodd amdano. Mae’r troseddwyr hyn yn defnyddio tactegau cymhellol ac ystrywgar i ennill ymddiriedaeth eu dioddefwr.
“Os oes gennych deulu oedrannus neu’n gysylltiedig â gofalu am bobl oedrannus, fe’ch anogwn i siarad gyda nhw am y tactegau a ddefnyddir gan droseddwyr a’r arwyddion rhybudd i gadw llygad amdanyn nhw.
“Gall y sgwrs honno atal rhywun rhag dioddef y trosedd hwn, sy’n chwalu ffydd.”
Ni fydd yr Heddlu BYTH yn:
❌ Gofyn ichi dynnu arian allan, anfon arian neu drosglwyddo eich cardiau banc
❌ Anfon negesydd i’ch cyfeiriad i gasglu arian, cardiau banc neu nwyddau drud eraill
❌ Cysylltu â chi’n ddirybudd a gofyn ichi gymryd rhan mewn ymchwiliad sy’n golygu bod yn rhaid ichi dynnu arian allan o’ch banc
Os ydych chi’n poeni bod rhywun rydych chi’n adnabod yn ddioddefwr twyll, neu’n credu y gallech chi fod, adroddwch amdano wrthym drwy
🖥️ | https://www.dyfed-powys.police.uk/cy-GB/cysylltu-a-ni/af/cysylltu-a-ni-beta/cysylltu-a-ni/
💬 | Danfon neges uniongyrchol i ni ar y cyfryngau cymdeithasol
📞 | 101
Os hoffech chi gael rhagor o gyngor a gwybodaeth am dwyll cliciwch ymae ⬇️