Heddlu Dyfed-Powys yn sicrhau’rr euogfarn gyntaf yng Nghymru ar gyfer gosod maglau anifeiliaid yn anghyfreithlon

Cafodd Jarrod Hill, 59 oed o Bontarddulais, Abertawe, ddedfryd o 12 wythnos, wedi'i gohirio am 12 mis, ar ôl gosod trapiau anifeiliaid i ddal llwynogod yn anghyfreithlon.

Daeth y maglau i sylw swyddogion Heddlu Dyfed-Powys a Chyfoeth Naturiol Cymru wrth gynnal gwiriadau cydymffurfio pysgodfa ym Mhysgodfa White Springs ddydd Gwener 10 Hydref 2025.

Ar ôl ei holi yn y lleoliad, cyfaddefodd Hill ei fod yn gyfrifol am osod y maglau i ddal mamaliaid gwyllt, a oedd yn lladd ei hwyaid medd yntau.

Siaradwyd â Hill a chafodd ei rybuddio nôl y 2022 mewn perthynas â gosod maglau ar linell ffens. Fodd bynnag, bryd hynny, caniatawyd gosod maglau ar yr amod nad oeddent yn cael eu gosod mewn lleoliadau megis cloddiau a llinellau ffens.

Mae’r weithred o osod magl o’r fath natur â’r bwriad tebygol o achosi niwed corfforol i anifail gwyllt nawr yn drosedd o dan Ddeddf Amaethyddiaeth (Cymru) 2023. Ni chymerodd Hill sylw o’r rhybudd hwn, a pharhaodd i ddefnyddio maglau, hyd yn oed ar ôl i’r defnydd o faglau gael ei wahardd yng Nghymru. 

Gan hynny, heddiw, plediodd Jarrod Hill yn euog i’r drosedd yn Llys Ynadon Llanelli ac mae wedi’i ddedfrydu i … am … mis.

Dywedodd y Rhingyll Paul Roberts o Dîm Troseddau Gwledig Heddlu Dyfed-Powys:

“Gan weithio’n agos â’n hasiantaeth bartner, Adnoddau Naturiol Cymru, croesawn y canlyniad hwn. Mae maglau’n fygythiad sylweddol i fywyd gwyllt, gan achosi anafiadau difrifol a marwolaethau.

“Rwy’n falch ein bod ni wedi sicrhau’r euogfarn gyntaf o’i math yng Nghymru; mae’r achos hwn yn tanlinellu ein hymrwymiad ar y cyd i ddiogelu bywyd gwyllt a sicrhau bod y rhai sy’n torri’r cyfreithiau hyn yn cael eu dal yn atebol.”