Ditectifs yn derbyn llawer iawn o wybodaeth newydd mewn ymchwiliad i adnabod dyn y daethpwyd o hyd iddo mewn cronfa ddŵr ym Mhowys

Mae ditectifs yn gweithio trwy nifer sylweddol o ddarnau newydd o wybodaeth ar ôl iddynt ryddhau delwedd ddigidol o ddyn y daethpwyd o hyd i’w gorff mewn cronfa ddŵr ym mis Hydref 2024.

Gweithiodd Heddlu Dyfed-Powys gweithio gyda Face Lab ym Mhrifysgol John Moore, Lerpwl, i gynhyrchu delwedd realistig o wyneb y dyn, sydd heb ei adnabod eto, yn y gobaith o gyrraedd rhywun a all helpu i ddatrys yr achos.

Ar ôl rhyddhau’r ddelwedd o’r wyneb yn gynharach yr wythnos hon, mae Tîm Troseddau Mawr yr Heddlu a CID Powys wedi derbyn dros 50 o alwadau, e-byst ac adroddiadau drwy wefan benodol yr ymchwiliad.

Mae pob darn o wybodaeth yn cael ei hystyried a’i blaenoriaethu ar gyfer cynnal ymholiadau pellach.

Meddai’r Ditectif Arolygydd Anthea Ponting, sydd wedi arwain yr ymchwiliad: “Rydyn ni wedi derbyn nifer sylweddol o adroddiadau drwy ganolfan reoli’r heddlu a’r porth digwyddiadau mawr cyhoeddus, ac rydyn ni’n gweithio’n ffordd trwyddynt ac yn eu hasesu’n unigol.

“Mae’r wybodaeth a dderbyniwyd yn amrywio o enwau penodol unigolion y byddwn yn eu gwirio, i adroddiadau mwy amwys a all gymryd mwy o amser i’w dilyn.

“Beth bynnag yw lefel y manylion a dderbyniwyd, byddwn ni’n blaenoriaethu ac yn edrych ar bob un adroddiad i bennu pa lwybrau ymholi rhesymol y gellir eu dilyn.

“Rydyn ni’n ddiolchgar i bawb sydd wedi rhoi gwybodaeth hyd yn hyn, a hoffwn annog pawb sy’n teimlo y gallai helpu i gysylltu â ni os nad ydynt wedi gwneud hynny eto.”

Mae ymholiadau wedi galluogi’r heddlu i sefydlu bod y dyn rhwng 30 a 60 oed, tua 6 troedfedd (1.83 medr), yn pwyso rhwng 202 pwys a 220 pwys (91.5 cilogram - 99.5 cilogram), ac o dras Ewropeaidd gwyn.

Daethpwyd o hyd iddo’n gwisgo siwt wlyb fawr iawn Zone 3 Agile, ac er waethaf chwiliadau o gwmpas y gronfa ddŵr o’r tir a’r dŵr, nid oes unrhyw eitemau personol eraill wedi’u canfod.

Credir ei fod wedi bod yn y dŵr am hyd at 12 wythnos cyn cael ei ganfod.

Gan edrych nôl ar yr ymchwiliad, dywedodd y Ditectif Arolygydd Ponting: “Rydyn ni wedi cynnal ystod eang o ymholiadau dros yr 16 mis diwethaf, a ddechreuodd gyda gweithio gyda heddluoedd cyfagos i gynnal gwiriadau ar gyfer pobl ar goll neu yn eisiau nad oedd wedi’u canfod, cyn estyn ein hymholiadau i gysylltu â phob heddlu yn y DU. 

“Rydyn ni wedi chwilio Cronfa Ddata Genedlaethol yr Heddlu, cyhoeddi bwletinau i wasanaethau heddlu tramor drwy Interpol, chwilio cofnodion DNA, olion bysedd a deintyddol am gyfatebiadau posibl, a chyhoeddi apeliadau cyhoeddus ac apeliadau yn y cyfryngau am wybodaeth.

“Bob tro yr ydym wedi estyn allan i’r cyhoedd, rydyn ni wedi derbyn rhai llwybrau ymholi i’w dilyn, ond yn anffodus, nid oes un wedi’n harwain at adnabod y dyn hwn eto.

“Tra bod yr achos hwn wedi denu llawer iawn o sylw, ein prif ffocws yr holl amser yw sefydlu pwy ydyw fel ein bod ni’n gallu ei ddychwelyd i unrhyw deulu neu anwyliaid a allai fod yn ei golli.”

*** If you visited Claerwen Reservoir between July and October 18, 2024, and saw anything that might help enquiries, or you are aware of someone who has not been seen for some time and matches the description above, contact Dyfed-Powys Police in one of the following ways:

Online: Public Portal

Email: [email protected]

Call: 101

Alternatively, contact the independent charity Crimestoppers anonymously by calling 0800 555111, or visiting crimestoppers-uk.org.