Carcharu gwerthwr cyffuriau ar ôl atafaelu gwerth £118,000 o gyffuriau anghyfreithlon

Carcharu dyn ar ôl i swyddogion atafaelu gwerthu tua £118,000 o gyffuriau anghyfreithlon ynghanol digwyddiad bygythiad marwolaeth.  

Carcharwyd Cameron Davies, dyn 23 oed o Langynnwr, am dau mlynedd a deg mis o flynyddoedd ar ôl i swyddogion ddod o hyd i werth tua £118,000 o gyffuriau anghyfreithlon, tua £24,000 mewn arian parod, taclau cyffuriau, ac arfau.  

Cynhaliwyd y chwiliad ar ôl i Heddlu Dyfed-Powys dderbyn adroddiad am gerbydau a oedd yn gysylltiedig â Davies yn bygwth lladd rhywun a’i gwrso i fferm gyfagos nos Sadwrn 18 Gorffennaf.

Disgrifiodd yr adroddiad sut oedd car a beic wedi dilyn y gyrrwr, cyn i’r drwgdybiedigion ddechrau cicio ei gerbyd a bygwth ei drywanu pe na bai’n dod allan o’r car. Dihangodd y gyrrwr i fferm gyfagos, ac aeth swyddogion yno ar eu hunion. Gwelwyd y car a’r beic, y canfuwyd eu bod yn gysylltiedig â Cameron Davies, yn gyrru i ffwrdd o’r ardal ar gyflymder.  

Roedd Davies yn adnabyddus i swyddogion fel rhywun yr amheuwyd ei fod yn cyflenwi cyffuriau anghyfreithlon. Galluogodd cudd-wybodaeth a gasglwyd cyn y digwyddiad hwn nhw i ddod o hyd i’r ddau gerbyd heb ofalydd tu allan i gyfeiriad a oedd yn gysylltiedig ag ef yn gyflym. Roedd y ddwy injan dal yn gynnes, a symudodd unedau i’w cau i mewn.

Cyrhaeddodd swyddogion ychwanegol ac aethant i mewn i’r eiddo i arestio Davies. Daethpwyd o hyd i dros hanner cilogram o gocên, bron chwe chilogram o ganabis, dros 600 o dabledi MDMA a dros £24,000 mewn arian parod yn yr eiddo. Amcangyfrifir mai tua £118,000 yw gwerth y cyffuriau a atafaelwyd ar y stryd. Daethant o hyd i gyllell sombi a bwyell yn un o’r cerbydau a oedd yn gysylltiedig â’r digwyddiad blaenorol hefyd.

Arestiwyd Davies a chafodd ei gyhuddo o feddu â’r bwriad o gyflenwi cyffuriau anghyfreithlon. Cafodd ei gadw yn y ddalfa ac ymddangosodd yn Llys y Goron Abertawe ar 8 Medi 2026. Cafodd ei ddedfrydu i dau mlynedd a deg mis yn y carchar.

Dywedodd y Ditectif Gwnstabl Steven Thomas o Heddlu Dyfed-Powys: “Ry’n ni wedi ymrwymo i wneud Dyfed-Powys yn ardal elyniaethus i bobl sy’n gwerthu cyffuriau, ac mae hwn yn gam cadarnhaol tuag at y nod hwnnw.

Helpodd y gudd-wybodaeth a ddatblygom o gwmpas Davies ni i aflonyddu ar rwydwaith gyflenwi glir a chael gwared ar lawer iawn o gyffuriau o’n strydoedd. Nid yw’r gwaith hwn yn unigryw i Davies, a byddwn ni’n parhau i ymdrin ag unrhyw un sy’n gysylltiedig â chyflenwi cyffuriau anghyfreithlon yn gadarn.”