Datganiad gan Heddlu Dyfed-Powys yn ymwneud â digwyddiad seiber ar 14 Medi 2026.

Gallwn gadarnhau bod yr heddlu wedi dioddef digwyddiad seiber, a nodwyd ddydd Llun 14 Medi 2026. Aflonyddodd y digwyddiad ar rai systemau difrys.

Ers i’r digwyddiad gael ei nodi, mae ymchwiliad i’r amgylchiadau o’i gwmpas wedi bod yn mynd ymlaen, gyda chefnogaeth arbenigwyr seiberddiogelwch, ac mae camau priodol wedi’u cymryd. Mae ein systemau wedi bod yn destun mesurau rhagofalus tra bod timoedd arbenigol yn ymchwilio i’r digwyddiad a gweithio i adfer gwasanaethau’n ddiogel. 

Mae Heddlu Dyfed-Powys yn parhau’n gwbl weithredol, ac ni effeithiwyd ar ein hymateb i ddigwyddiadau brys. Nid yw gwasanaethau ffôn (999 ac 101) wedi’u heffeithio, ac er nad oedd cyswllt ar-lein ac e-bost ar gael am gyfnod, mae’r rhain wedi’u hadfer yn awr. 

Mae Swyddfa’r Comisiynydd Gwybodaeth wedi’i hysbysu.

Ar hyn o bryd, nid yw ein hymchwiliad wedi dod o hyd i unrhyw dystiolaeth y cafwyd mynediad i ddata personol aelodau o’r cyhoedd, na bod data o’r fath wedi’i gyfaddawdu o ganlyniad i’r digwyddiad hwn. Fodd bynnag, ry’n ni’n parhau i ymchwilio i ganfod a gafwyd mynediad i wybodaeth mewn perthynas â’n staff, neu a gafodd gwybodaeth mewn perthynas â’n staff ei chyfaddawdu. Ry’n ni’n cymryd pob cam posibl i ddiogelu’r wybodaeth honno, a byddwn ni’n rhoi cyngor priodol i gydweithwyr os oes angen. Mae’r ymchwiliad yn parhau ac yn cael ei reoli gan Tarian drwy eu huned seiberdroseddu ranbarthol, ac ry’n ni’n parhau i fonitro systemau’r heddlu’n agos.

Deallwn y pryder y gall hyn achosi, a dymunwn sicrhau’r cyhoedd ein bod ni wedi cymryd pob cam posibl i ddiogelu ein gwybodaeth a chynnal diogelwch ein systemau, ac y byddwn yn parhau i wneud hynny.

Byddwn ni’n rhoi diweddariadau pellach pan fyddwn ni mewn sefyllfa i wneud hynny.

Diolch am eich amynedd a’ch dealltwriaeth.