Adolygiad achos ymddygiad gwrthgymdeithasol

Os yw ymddygiad gwrthgymdeithasol yn effeithio ar eich ansawdd bywyd chi, neu'n gwneud ichi boeni am eich diogelwch chi neu ddiogelwch pobl eraill, mae yna bobl a all helpu. Gallwch gysylltu â'r heddlu, Adran Diogelwch Cymunedol eich cyngor lleol neu, os yw'n berthnasol, eich darparwr tai.

Mae gan yr asiantaethau partner hyn rôl i'w chwarae wrth leihau ymddygiad gwrthgymdeithasol, gan gefnogi'r rhai mwyaf agored i niwed a delio â'r bobl sy'n gyfrifol.

Mae ymddygiad gwrthgymdeithasol yn ddigwyddiad sy'n syrthio'n fyr o drosedd, lle mae ymddygiad unigolyn neu grŵp yn achosi neu'n debygol o achosi:

• aflonyddwch, braw neu ofid i unrhyw berson nad yw o'r un aelwyd
• teimlad o fygythiad personol i rywun arall
• niwsans cyhoeddus neu effaith niweidiol ar yr amgylchedd
• effaith niweidiol ar ansawdd bywyd unigolyn neu'r gymuned gyfan

Cyngor

Mae'n bwysig cadw cofnodion o ba ymddygiad sy'n digwydd a pha bryd. Peidiwch ag ofni dweud wrth un o'r asiantaethau partner amdano a gofyn am gymorth pan fydd arnoch ei angen. I'ch helpu chi ac eraill:

• riportiwch ymddygiad gwrthgymdeithasol
• ei gofnodi
• cadw llygad am bobl eraill a allai brofi ymddygiad gwrthgymdeithasol a’i riportio ar eu rhan

Adolygiad Achos ymddygiad gwrthgymdeithasol

Mae'r Adolygiad Achos yn grymuso’r rhai sydd wedi  dioddef ymddygiad gwrthgymdeithasol yn aml i ofyn am adolygiad o'r camau mae asiantaethau partner wedi'u cymryd i ddatrys eu pryderon. I fod yn gymwys, mae angen ichi:

• tri digwyddiad o ymddygiad gwrthgymdeithasol yn ystod y chwe mis diwethaf i’r Cyngor, yr heddlu neu landlord lle nad oes camau effeithiol wedi’u cymryd
• un digwyddiad o drosedd neu ddigwyddiad casineb lle na chymerwyd camau effeithiol
• Mae person sy’n ddigon uchel o fewn awdurdod cyfrifol yn adolygu’r dystiolaeth a gyflwynir gan bob parti ac yn credu bod digon o dystiolaeth i gychwyn adolygiad achos waeth beth fo rôl ceisydd y Adolygiad achos ymddygiad gwrthgymdeithasol

Mae angen i bob un o’r digwyddiadau fod wedi cael eu riportio o fewn un mis iddynt ddigwydd a rhaid i chi wneud cais am Adolygiad achos ymddygiad gwrthgymdeithasol o fewn chwe mis i’r digwyddiad diwethaf. Gall y dioddefwr fod yn fusnes, unigolyn neu’n grŵp cymunedol.

Sut i Ddefnyddio’r Adolygiad Achos

Yn ardal Dyfed-Powys ni yw'r pwynt cysylltu unigol ar gyfer y Adolygiad achos ymddygiad gwrthgymdeithasol.

Gallwch wneud cais ar-lein, drwy anfon neges ebost neu drwy ein ffonio ni ar 101 a gofyn am ffurflen gais y Adolygiad achos ymddygiad gwrthgymdeithasol.

Gallwch ysgrifennu aton ni hefyd i ofyn am y ffurflen gais:

Adolygiad achos ymddygiad gwrthgymdeithasol
Ganolfan Cymunedau Mwy Diogel
Heddlu Dyfed-Powys
Pencadlys yr Heddlu
Blwch Post 99
Llangynnwr
Caerfyrddin
SA31 2PF

Ar ôl ichi wneud cais, byddwn yn cysylltu â chi i ddweud a ydych chi wedi bodloni'r meini prawf ar gyfer y Adolygiad achos ymddygiad gwrthgymdeithasol a beth sy'n digwydd nesaf.