Llonyddu cerbydau
Rhywbeth mae’r heddlu’n ei wneud i atal cerbyd rhag symud er budd cyfiawnder a diogelwch ar y ffyrdd yw llonyddu cerbydau.
Mae gan swyddogion heddlu’r pŵer i lonyddu’ch cerbyd pan maen nhw’n eich stopio. Mae ganddynt y pŵer hefyd i symud y cerbyd, neu ddweud wrthych chi am ei symud fel eu bod nhw’n medru gosod dyfais lonyddu.
Gall cerbydau gael eu llonyddu am nifer o resymau:
- os nad ydynt yn ffit i’w gyrru neu os ydynt wedi’u gorlwytho (Adran 69 neu 70 Deddf Traffig Ffyrdd 1988 ac Adran 1 Deddf Traffig Ffyrdd (Cerbydau Tramor) 1972)
- os oes dirwyon cosb heb eu talu ar eich cerbyd (Adran 90D Deddf Tramgwyddwyr Traffig Ffyrdd 1988)
- os yw gyrwyr cerbydau nwyddau wedi torri’r rheolau mewn perthynas ag oriau gyrwyr (Adran 99A(1) Deddf Trafnidiaeth 1968)
Nid yw’r rheoliadau’n berthnasol mewn perthynas â cherbyd os oes bathodyn unigolyn anabl cyfredol neu fathodyn cydnabyddedig cyfredol yn cael ei arddangos ar y cerbyd hwnnw.
Os yw’ch cerbyd wedi’i atafaelu am fod heb yswiriant a/neu drwydded, dylai’r gyrrwr fod wedi derbyn hysbysiad atafaelu ffurflen 3708.
Os yw’ch cerbyd wedi’i bowndio am reswm arall, ewch i’n tudalen Cerbydau Wedi'u Powndio.
Tynnu dyfais lonyddu i ffwrdd
Er mwyn cael dyfais lonyddu wedi’i thynnu i ffwrdd:
- Rhaid ichi dalu unrhyw ddirwyon neu gosbau sy’n ddyledus
- Bydd angen trwsio diffygion i’r cerbyd. Efallai bydd yr heddlu neu swyddog o’r Asiantaeth Trwyddedu Gyrwyr a Cherbydau yn nodi bod angen cynnal archwiliad blynyddol o’r cerbyd hefyd
- Rhaid bod unrhyw waharddiadau o ran oriau gyrwyr wedi darfod
Rhaid ichi dalu er mwyn cael y ddyfais lonyddu wedi’i thynnu i ffwrdd. Mae’n costio £80 ac mae’n rhaid ichi dalu drwy Iwyfan dalu GOV.UK.
Ar ôl talu, galwch 101 i drefnu bod y ddyfais yn cael ei thynnu i ffwrdd. Bydd angen ichi roi’r cyfeirnod o’r hysbysiad llonyddu.
Cytunir ar ddyddiad ac amser ar gyfer tynnu’r ddyfais lonyddu i ffwrdd. Bydd angen ichi gyflwyno copi digidol neu gopi papur o’r cadarnhad tâl i’r swyddog cyn y gall y ddyfais lonyddu gael ei thynnu i ffwrdd.
Noder: Mae’n anghyfreithlon tynnu dyfais lonyddu i ffwrdd eich hun.
Adfer cerbydau
Os nad ydych chi wedi talu’r ffi lonyddu ac adfer y cerbyd o fewn 5 diwrnod, ynghyd ag unrhyw atgyweiriadau gofynnol, ystyrir bod y cerbyd wedi’i adael. Yna, bydd yn cael ei adfer (ei symud ymaith) gan Heddlu Dyfed-Powys.
Mae unrhyw gerbydau sy’n cael eu hadfer gan Heddlu Dyfed-Powys yna’n dod o dan y cynllun adennill cerbydau, lle y mae ffioedd gwahanol yn berthnasol.
Cwynion ynghylch llonyddu cerbyd
Os ydych chi eisiau cwyno am yr heddlu’n llonyddu cerbyd, cewch wneud hynny gan ddefnyddio ein ffurflen gwyno ar-lein.
Cewch gysylltu â ni drwy’r post hefyd.
Adran Safonau Proffesiynol
Pencadlys Heddlu Dyfed-Powys
Llangynnwr
Caerfyrddin
Sir Gaerfyrddin
SA31 2PF
Cyfeiriad postio yn unig yw hwn. Peidiwch â dod i’r swyddfa hon yn bersonol. Os fyddwch chi’n gwneud hyn, ni chewch eich gweld.
Noder: os ydych chi’n bwriadu dadlau yn erbyn y drosedd a arweiniodd at y cerbyd yn cael ei lonyddu, mae’n rhaid ichi dal dalu’r ffi ar gyfer ei ryddhau. Os yw’ch her yn llwyddiannus, byddwn yn trefnu bod y ffi’n cael ei had-dalu.
Mater sifil yw cost ffi lonyddu, sy’n fater ar wahân i’r erlyniad ar gyfer unrhyw droseddau moduro.
Os ydych chi wedi cael eich adrodd am drosedd, bydd yr heddlu wedi cyhoeddi Hysbysiad Cosb Benodedig neu Adnau Ymyl Ffordd ichi. Bydd yr hysbysiad hwnnw’n cynnwys gwybodaeth ynglŷn â sut i wneud cais ar gyfer gwrandawiad llys. Rhaid ichi beidio â cheisio talu unrhyw Hysbysiadau Cosb Benodedig neu Adneuon Ymyl Ffordd drwy’r wefan lonyddu ar y dudalen hon.
Os yw’ch cwyn yn ymwneud â swyddog heddlu neu aelod o staff yr heddlu, cewch wneud cwyn ar-lein, at the Swyddfa Annibynnol Ymddygiad yr Heddlu or at any orsaf heddlu.