Adroddiadau TCC 688/2024

Cyfeirnod Rhyddid Gwybodaeth: 688/2024

Cais:

1. Yn 2023, faint o oriau’r heddlu a dreuliwyd yn adolygu darnau ffilm TCC yr Heddlu, Preifat neu’r Awdurdod Lleol mewn perthynas â’r holl ymchwiliadau troseddol?
2. Yn 2023, faint o oriau’r heddlu a dreuliwyd yn adolygu darnau ffilm TCC yr Heddlu, Preifat neu’r Awdurdod Lleol mewn perthynas ag adroddiadau am droseddau rhywiol neu droseddau treisgar/corfforol?
3. Yn 2023, faint o gamerâu TCC yr heddlu a gafodd eu monitro mewn amser real gan fod dynol?
4. Yn 2023, faint o gamerâu TCC yr heddlu a gafodd eu monitro mewn amser real gan dechnoleg?
5. Gan gyfeirio at yr holl ddigwyddiadau a ddigwyddodd mewn sefydliadau (ysgolion, meithrinfeydd/ysgolion meithrin, ysbytai/clafdai, cartrefi gofal ac ati) - yn 2023, faint o oriau’r heddlu a dreuliwyd yn adolygu’r darnau ffilm TCC a oedd ar gael (Heddlu, Awdurdod Lleol, neu Breifat) er mwyn helpu’r ymchwiliad?
6. Gan gyfeirio at yr holl ddigwyddiadau a ddigwyddodd mewn sefydliadau (ysgolion, meithrinfeydd/ysgolion meithrin, ysbytai/clafdai, cartrefi gofal ac ati) - yn 2023, mewn sawl achos wnaeth eich timoedd ganfod nad oedd y TCC dan sylw ar gael neu’n bresennol i gyd-fynd â’r digwyddiad yr adroddwyd amdano?

Gofynnwyd am Eglurhad:

1. Wrth sôn am “adroddiadau”, ydych chi’n cyfeirio at alwadau 999/101 a dderbyniwyd?
2. Ydych chi’n cyfeirio at droseddau neu ddigwyddiadau? Mae digwyddiad yn wahanol i drosedd. Cofnod o gyswllt a wnaed i wasanaeth heddlu gan unigolyn/aelod o’r cyhoedd yw digwyddiad (drwy alwad 999 neu 101 fel arfer) a throsedd yw lle mae’r trothwy wedi’i fodloni er mwyn i’r heddlu ystyried bod tramgwydd troseddol wedi digwydd yn ôl diffiniad y gyfraith.

Eglurhad:

Diolch am ymateb. I egluro, dylid newid ‘adroddiadau’ neu ‘ddigwyddiadau’ i ‘droseddau’ fel bod y cwestiynau hyn yn canolbwyntio ar y defnydd o deledu cylch cyfyng mewn ymchwiliadau troseddol y mae’r heddlu wedi’u cynnal.  

Yr oeddwn hefyd eisiau sôn fy mod i wedi derbyn atebion wrth heddluoedd eraill, ac ymddengys bod y rhan fwyaf o’r ceisiadau sy’n ymwneud  â theledu cylch cyfyng yn dod o dan Adran 12 y Ddeddf Rhyddid Gwybodaeth, gyda chost y dasg yn fwy na’r ffioedd a’r terfynau priodol.

Os yw hyn yn wir ar gyfer Heddlu Dyfed-Powys hefyd, gofynnaf am i’r holl gwestiynau blaenorol mewn perthynas â theledu cylch cyfyng gael eu diystyried, ac yn lle hynny, bod y ceisiadau hyn yn cael eu hystyried:        

• A allech chi roi amcangyfrif o’r oriau a dreuliwyd ar gyfartaledd yn adolygu darnau ffilm TCC mewn ymchwiliadau troseddol Trais yn Erbyn y Person (gan gynnwys yr holl is-gategorïau) yn ystod hanner cyntaf 2024? Mae hyn ond yn berthnasol i achosion lle mae darnau ffilm TCC ar gael. Deallaf y gall hyn olygu archwilio cofnodion trosedd â llaw i weld pa un ai a gofnodwyd yr amser a dreuliwyd yn adolygu TCC. Os felly, adolygwch y nifer mwyaf y gallwch eu hadolygu o dan drothwy’r Rheoliad “Ffioedd a Therfynau Priodol”.
• A allwch chi ddarparu canran yr ymchwiliadau troseddol Trais yn Erbyn y Person, yn ystod hanner cyntaf 2024, lle yr adolygwyd darnau ffilm TCC? Eto, os yw hyn yn golygu bod angen archwilio cofnodion trosedd â llaw, archwiliwch y nifer mwyaf a ganiateir o dan y “ Ffioedd a Therfynau Priodol”.

Ymateb:

Medraf gadarnhau nad yw Heddlu Dyfed-Powys yn dal y wybodaeth y gofynnwyd amdani oherwydd nid yw’n bosibl inni nodi faint o amser a dreuliwyd gan swyddogion yn adolygu TCC. Mae swyddogaeth archwilio’r system a ddefnyddiwyd yn medru dweud wrthym pwy sydd wedi adolygu’r darnau ffilm, ond nid am ba mor hir.

(Dyma ymateb o dan Ddeddf Rhyddid Gwybodaeth 2000 a ddatgelwyd ar 08/08/2024)