Cyllid o gynyrchiadau ffilm/teledu 392/2024

Cyfeirnod Rhyddid Gwybodaeth: 392/2024

Derbyniwyd y cais ar 10/04/24:

1. Faint o gyllid sydd wedi’i dderbyn gan eich sefydliad am wasanaethau a roddwyd i gynyrchiadau ffilm a theledu? Gallai hyn gynnwys llogi lleoliad, trwyddedau, a phob gwasanaeth arall sy’n ymwneud â chynyrchiadau ffilm gan ddefnyddio’ch personél neu adnoddau.                         
2. Amlinellwch y math o waith neu wasanaeth a roddwyd ym mhob achos a datgelwch y cyllid a dderbyniwyd ar gyfer pob math o wasanaeth.
3. Faint mae eich sefydliad wedi gwario ar hwyluso trefniadau o’r fath rhwng 2014/15 a 2022/23, yn gynwysedig, yn ôl blwyddyn?                  

Derbyniwyd e-bost arall gan y ceisydd ar 21 Mehefin 2024 drwy GanBwyll mewn perthynas â’r un cais, yn gofyn yn benodol ei fod yn ymwneud â Ffilmio – Partneriaeth Lleihau Anafiadau Ffyrdd Cymru.                          

Medraf gadarnhau bod Heddlu Dyfed-Powys yn dal y wybodaeth y gofynnwyd amdani, fel yr amlinellir isod.

Ymateb i Gwestiwn 1

Dim

Ymateb i Gwestiwn 2

Dim

Ymateb i Gwestiwn 3

Nid yw’r wybodaeth hon ar gael yn hawdd gan nad oes ffordd o grynhoi’r swm a wariwyd mewn perthynas â hyn, tu allan i gostau cyflog.  

Yr ydym wedi cael gwybod gan ein Hadran Gyllid nad oes ‘cod cost’ ar gyfer y categori hwn, a fyddai’n arwain felly at y gofyniad i ymchwilio i nifer fawr o anfonebau i sefydlu pa un ai a oes unrhyw wybodaeth yn cael ei dal er mwyn ateb y cwestiwn hwn. Amcangyfrifir y byddai hyn yn cymryd dros 18 awr i’w gyflawni, a fyddai’n cymryd y cais dros y ffioedd o dan A12 y Ddeddf. Oherwydd yr oedi o ran cwblhau’ch cais, a allwch chi gynghori pa un ai a ydych chi eisiau derbyn hysbysiad gwrthod ffurfiol o dan A12 y Ddeddf ar gyfer y rhan hwn o’ch cais os gwelwch chi’n dda.

Noder:

Mae’r ymateb uchod yn ymwneud â Heddlu Dyfed-Powys yn gyffredinol. Gweler isod ymateb sy’n benodol i Bartneriaeth Lleihau Anafiadau Ffyrdd Cymru ar gyfer cwestiynau 1 - 3:-

Ymateb i Gwestiynau 1 – 3

Nid yw GanBwyll yn cynhyrchu unrhyw gyllid o geisiadau ffilmio/cynhyrchu. Os yw aelodau staff yn cymryd rhan mewn cyfweliadau (yn ddi-dâl), yn y bôn, yr Heddlu sy’n eu talu tra’u bod nhw’n cyfrannu at ddarn teledu/ffilm. Fodd bynnag, nid yw’r wybodaeth hon ar gael yn hawdd gan nad oes ffordd o grynhoi’r swm a wariwyd mewn perthynas â hyn, tu allan i gostau cyflog.

(Dyma ymateb o dan Ddeddf Rhyddid Gwybodaeth 2000 a ddatgelwyd ar 13/08/2024)