Cam-drin domestig 886/2023

Cyfeirnod Rhyddid Gwybodaeth: 886/2023 

Cais:

A fyddech cystal â darparu’r wybodaeth ganlynol ar gyfer data’r 12 mis diwethaf sydd ar gael mewn perthynas â’r canlynol? 

1. Pob menyw sydd wedi dioddef cam-drin domestig
2. Pob menyw sydd wedi dioddef troseddau rhyw

Os nad ydych yn gallu darparu data ar gyfer pob menyw sydd wedi dioddef, darparwch y data ar gyfer y canlynol: 

Pob dioddefwr cam-drin domestig

Pob dioddefwr troseddau rhywiol 

Nodwch fanylion am y canlynol: 

1. Ym mha gyfran o achosion y mae ethnigrwydd y dioddefwr yn cael ei gofnodi ar system electronig yr heddlu? 
2. Beth yw dadansoddiad ethnig y dioddefwyr hynny y mae ethnigrwydd wedi’i gofnodi ar eu cyfer? 
3. Beth yw dadansoddiad ethnig y boblogaeth yn ardal eich heddlu? 
4. A fyddech cystal â darparu copi o’r cyhoeddiad diwethaf o wybodaeth gan eich heddlu sy’n dangos cydymffurfedd â dyletswydd cydraddoldeb y sector cyhoeddus o dan ddyletswyddau penodol yr heddlu o dan Reoliad 4, Rheoliadau Deddf Cydraddoldeb 2010 (dyletswyddau penodol ac awdurdodau cyhoeddus) 2017. 

 

Ymateb a:

Gallaf gadarnhau bod Heddlu Dyfed-Powys yn cadw’r wybodaeth y gofynnwyd amdani, fel yr amlinellir isod.

4,645

Ymateb b:

Gallaf gadarnhau bod Heddlu Dyfed-Powys yn cadw’r wybodaeth y gofynnwyd amdani, fel yr amlinellir isod.

1,358

Ymateb 1:

Gallaf gadarnhau bod Heddlu Dyfed-Powys yn cadw’r wybodaeth y gofynnwyd amdani, fel yr amlinellir isod.

Cam-drin domestig 84%

Troseddau rhyw 66%

Ymateb 2:

Gallaf gadarnhau bod Heddlu Dyfed-Powys yn cadw’r wybodaeth y gofynnwyd amdani, fel yr amlinellir isod.

 

Cam-drin domestig

Ethnigrwydd	Cyfran o ethnigrwydd y dioddefwr a gofnodwyd %
NS.  Heb ei nodi	15.87
W1. Gwyn Prydeinig	80.32
W2. Gwyn Gwyddelig	0.46
W9. Unrhyw gefndir gwyn arall	1.38
W3. Sipsi neu Deithiwr gwyn	0.13
A1. Asiaidd Indiaidd	0.29
A2. Asiaidd Pacistanaidd	0.04
A3. Asiaidd Bangladeshaidd	0.04
A4. Asiaidd Tsieineaidd	0.17
B1. Du Caribïaidd	0.13
B2. Du Affricanaidd, gan gynnwys Du Prydeinig	0.13
M1. Cymysg Gwyn a Du Caribïaidd	0.25
M2. Cymysg Gwyn a Du Affricanaidd	0.17
M3. Cymysg Gwyn ac Asiaidd	0.13
M9. Cymysg arall	0.21
O2. Arabaidd	0.04
O9. Arall	0.25

Troseddau rhyw

Ethnigrwydd	Cyfran o ethnigrwydd y dioddefwr a gofnodwyd %
NS. Heb ei nodi	34.44
W1. Gwyn Prydeinig	62.08
W2. Gwyn Gwyddelig	0.15
W3. Sipsi neu Deithiwr Gwyddelig gwyn	0.15
W9. Unrhyw gefndir gwyn arall	1.51
B2. Du Affricanaidd, gan gynnwys Du Prydeinig	0.30
B9. Unrhyw gefndir Du arall	0.45
M2. Cymysg Gwyn a Du Affricanaidd	0.15
M3. Cymysg Gwyn ac Asiaidd	0.15
M9. Cymysg arall	0.30
O9. Arall	0.15
A9. Unrhyw gefndir Asiaidd arall	0.15

 

Ymateb 3 a 4:

Mae adran 1 o Ddeddf Rhyddid Gwybodaeth 2000 yn gosod dwy ddyletswydd ar awdurdodau cyhoeddus. Oni bai bod esemptiadau’n gymwys, y ddyletswydd gyntaf yn adran 1(1)(a) yw cadarnhau neu wadu a ydyw’r wybodaeth a bennir mewn cais yn cael ei chadw. Yr ail ddyletswydd yn adran 1(1)(b) yw datgelu gwybodaeth y cadarnhawyd ei bod yn cael ei chadw.

Lle dibynnir ar esemptiadau, mae adran 17 o Ddeddf Rhyddid Gwybodaeth 2000 yn ei gwneud yn ofynnol i Heddlu Dyfed-Powys, wrth wrthod darparu gwybodaeth o’r fath (gan fod yr wybodaeth yn esempt), roi hysbysiad i chi, y ceisydd, sydd:

(a) yn datgan y ffaith honno,

(b) yn pennu’r esemptiad dan sylw, ac

(c) yn datgan (os na fyddai hynny’n amlwg fel arall) pam fod yr esemptiad yn gymwys.

Gallaf gadarnhau bod Heddlu Dyfed-Powys yn cadw’r wybodaeth y gofynnwyd amdani, ond mae’r esemptiad canlynol wedi’i gymhwyso i’r holl wybodaeth yr ydych wedi gofyn amdani:

Adran 21 – Gwybodaeth sy’n rhesymol hygyrch drwy ddulliau eraill:

(1) Mae gwybodaeth sy’n rhesymol hygyrch i’r ceisydd, ac eithrio o dan adran 1, yn wybodaeth esempt.

(2) At ddibenion is-adran (1)—

(a) gall gwybodaeth fod yn rhesymol hygyrch i’r ceisydd er mai dim ond am dâl y mae’n hygyrch, a

(b) bernir bod gwybodaeth yn rhesymol hygyrch i’r ceisydd os ydyw’n wybodaeth y mae’n ofynnol i’r awdurdod cyhoeddus neu unrhyw unigolyn arall gan, neu o dan, unrhyw ddeddfiad i’w chyfleu (ac eithrio drwy drefnu bod yr wybodaeth ar gael i’w harchwilio) i aelodau o’r cyhoedd ar gais, boed am ddim neu am dâl.

(3) At ddibenion is-adran (1), nid yw gwybodaeth a gedwir gan awdurdod cyhoeddus ac nad yw’n dod o fewn is-adran (2)(b) i’w hystyried yn rhesymol hygyrch i’r ceisydd dim ond oherwydd bod yr wybodaeth ar gael oddi wrth yr awdurdod cyhoeddus ei hun ar gais, oni bai bod yr wybodaeth ar gael yn unol â chynllun cyhoeddi’r awdurdod a bod unrhyw daliad sy’n ofynnol yn cael ei bennu yn y cynllun, neu ei benderfynu yn unol ag ef.”

Gellir cael yr wybodaeth y gofynnir amdani yng nghwestiynau 3 a 4 drwy’r hyperddolenni canlynol:

Cyfrifiad – Y Swyddfa Ystadegau Gwladol (https://cy.ons.gov.uk/)

Dyletswydd cydraddoldeb y sector cyhoeddus | Heddlu Dyfed-Powys                                             

                                                           

Dylid nodi, o ganlyniad i’r systemau a fabwysiadwyd gan Heddlu Dyfed-Powys mewn perthynas â chofnodi gwybodaeth o’r fath, y gallai’r wybodaeth a ryddheir fod yn gywir neu beidio.

(Ymateb yw hwn o dan Ddeddf Rhyddid Gwybodaeth 2000 ac fe’i datgelwyd ar 18 Ebrill 2024)