Llesiant staff 289/2024

Cyfeirnod Rhyddid Gwybodaeth: 289/2024

Cais:

1) A ydyw eich heddlu yn sicrhau bod gwybodaeth a chanllawiau am wydnwch personol ar gael am ddim i swyddogion a staff? Ydyw/Nac ydyw.

a) Os ydyw – rhowch enghreifftiau (e.e. gwefannau, mewnrwyd, gwasanaethau llesiant).

2) A ydyw eich heddlu yn darparu hyfforddiant penodol ar wydnwch personol i swyddogion a staff?  Ydyw/Nac ydyw.

a) Os ydyw – rhowch enghreifftiau.

b) Os nac ydyw – a ydyw’n cael ei gynnwys mewn hyfforddiant llesiant ehangach?

c) A ydyw eich heddlu yn bwriadu cynnig hyfforddiant o’r fath yn y dyfodol?

3) A oes gan eich heddlu dîm/gwasanaeth llesiant penodol ar gyfer staff? Oes / nac oes.

a) Os oes – rhowch fanylion cryno am hyn.

b) Os nad oes – pa ddarpariaeth llesiant sydd ar gael ar hyn o bryd?

4) A oes gan eich heddlu fewnrwyd/gwefan llesiant benodol ar gyfer staff? Oes / nac oes.

a) Os oes – rhowch fanylion cryno am hyn.

b) Os nad oes – pa ddarpariaeth llesiant sydd ar gael ar hyn o bryd?

Ymateb:

Gallaf gadarnhau bod Heddlu Dyfed-Powys yn cadw’r wybodaeth y gofynnwyd amdani, fel yr amlinellir isod:

1) Ydyw. Rydym yn cyfeirio swyddogion at y gwefannau canlynol:

Oscar Kilo (Gwasanaeth Llesiant Cenedlaethol yr Heddlu | Oscar Kilo

BLWF (Fframwaith Llesiant y Golau Glas (BLWF) | Oscar Kilo)

Rydym hefyd yn cyfeirio swyddogion at wasanaethau cwnsela, os yw’n briodol.

2) Ydyw. Mae myfyrwyr yr heddlu yn cael diwrnod cyfan o hyfforddiant ar wydnwch personol, llesiant a rheoli straen. Mae’r hanner diwrnod cyntaf yn cynnwys cyfraniadau gan yr uned iechyd galwedigaethol, cwnselydd yr heddlu, a Ffederasiwn yr Heddlu.

Mae’r ail hanner diwrnod yn cynnwys addysg seicolegol ynghylch rheoli straen ac ymateb i drawma, gan gynnwys cyfraniadau profiad bywyd go iawn gan aelod o staff sydd wedi ymddeol am resymau meddygol sydd ag anhwylder straen wedi trawma (PTSD). Rhoddir gwybodaeth iddynt am sut i adnabod adweithiau straen a thrawma, deall arwyddion a symptomau, a phryd a sut i gael cymorth.

Darperir hyfforddiant llesiant ehangach i dditectifs sy’n rhan o’r Rhaglen Datblygu Sgiliau Ymchwilio mewn Perthynas â Threisio a Throseddau Rhyw Difrifol, Rhaglen Broffesiynoli Ymchwilio Lefel 2, a’r Rhaglen Datblygu Ymchwiliadau Arbenigol i Gam-drin Plant.

Mae’r cyfraniadau’n cynnwys adnabod arwyddion a symptomau posibl o straen a gorflinder, yn ogystal â gwybodaeth am y gwasanaethau sy’n cael eu cynnig gan yr uned iechyd galwedigaethol a’r gwasanaethau a sefydliadau cymorth amrywiol sydd ar gael.

3) Yn gyffredinol, yr uned iechyd galwedigaethol sy’n cynnig y gwasanaeth hwn ynghyd â gwasanaethau eraill hefyd. Mae’n defnyddio ffeiriau llesiant gyda fan Oscar Kilo a diwrnodau pan fo cŵn OK9, cwnselwyr, ac ymgynghorydd iechyd galwedigaethol yn galw heibio i orsafoedd. Mae Ffederasiwn yr Heddlu, caplaniaeth gilyddol yr heddlu ac Unsain hefyd yn cymryd rhan yn y dyddiau hyn.

4) Oes. Rydym yn rhoi gwybod am y digwyddiadau sy’n mynd rhagddynt ar y pryd ac mae gennym eitemau misol ar bynciau llesiant.                                  

(Ymateb yw hwn o dan Ddeddf Rhyddid Gwybodaeth 2000 ac fe’i datgelwyd ar 5 Ebrill 2024)