Safonau plismona, rôl yr Arolygydd 294/2024

Cyfeirnod Rhyddid Gwybodaeth: 294/2024

Cais:

Yn y blynyddoedd diwethaf, mae safonau plismona wedi gostwng yn ddifrifol, o ran lifrai ac ymlyniad at bolisi.

Flynyddoedd lawer yn ôl, roedd arolygwyr yr heddlu ym mhob gorsaf yn cynnal trefn a safonau da trwy arolygu swyddogion yn rheolaidd ar ddechrau pob shifft.

O dan ddarpariaethau Deddf Rhyddid Gwybodaeth 2000, a fyddech cystal â darparu unrhyw ddogfennaeth sydd wedi’i chofnodi a fyddai’n esbonio pam nad yw’r nodwedd angenrheidiol hon o ddisgyblaeth a threfn dda’r heddlu yn digwydd mwyach, a datgelu’r hyn y mae Arolygydd yr Heddlu yn ei archwilio mewn gwirionedd.

Rwyf wedi darllen y drafft a gyhoeddwyd gan y Coleg Plismona, ond nid yw’n ateb fy nghais.

Ymateb:

Gallaf gadarnhau nad oes unrhyw wybodaeth yn cael ei chadw na’i chofnodi gan Heddlu Dyfed-Powys mewn perthynas â’ch cais uchod.                                  

Dylid nodi, o ganlyniad i’r systemau a fabwysiadwyd gan Heddlu Dyfed-Powys mewn perthynas â chofnodi gwybodaeth o’r fath, y gallai’r wybodaeth a ddarperir fod yn gywir neu beidio. Dylid nodi, am y rhesymau hyn, na ddylid defnyddio ymateb yr heddlu hwn i’ch cwestiynau at ddibenion cymharu ag unrhyw ymateb arall a gewch.           

(Ymateb yw hwn o dan Ddeddf Rhyddid Gwybodaeth 2000 ac fe’i datgelwyd ar 8 Ebrill 2024)