Ymgyrch SNAP 638/2024
Cyfeirnod Rhyddid Gwybodaeth: 638/2024
Cais
Rwy’n ysgrifennu ynghylch GanBwyll, Ymgyrch SNAP neu ba bynnag system sydd gennych ar waith i’r cyhoedd roi gwybod i chi am droseddau gyrru a’r canlyniadau.
- Pan fyddwch yn cael adroddiad, sut fyddwch chi’n ymateb i’r unigolyn sy’n cyflwyno’r adroddiad pan, neu os, fyddwch chi’n cymryd camau? Ydych chi'n dweud yn syml eich bod ‘wedi cymryd camau’ neu a ydych chi'n nodi pa gamau a gymerwyd mewn gwirionedd e.e. pwyntiau / dirwy?
- Os nad ydych yn ymhelaethu ar ba gamau gwirioneddol a gymerwyd, a fedrwch chi esbonio pam? Ac a wnewch chi ddatgan pa ddeddfwriaeth neu reswm cyfreithiol sydd dros beidio â gwneud hynny, os o gwbl?
- A all yr unigolyn sy'n adrodd gael gafael ar yr wybodaeth hon os nad yw wedi'i rhoi?
Ymateb
Gallaf gadarnhau nad yw Heddlu Dyfed-Powys yn cadw’r wybodaeth y gofynnwyd amdani, ond gellir cael y manylion fel a ganlyn:
Adran 21 – Gwybodaeth sy’n rhesymol hygyrch drwy ddulliau eraill
Mae adran 1 o Ddeddf Rhyddid Gwybodaeth 2000 yn gosod dwy ddyletswydd ar awdurdodau cyhoeddus. Oni bai bod esemptiadau’n gymwys, y ddyletswydd gyntaf yn adran 1(1)(a) yw cadarnhau neu wadu a ydyw’r wybodaeth a bennir mewn cais yn cael ei chadw. Yr ail ddyletswydd yn adran 1(1)(b) yw datgelu gwybodaeth y cadarnhawyd ei bod yn cael ei chadw.
Pan ddibynnir ar esemptiadau, mae adran 17 o Ddeddf Rhyddid Gwybodaeth 2000 yn ei gwneud yn ofynnol i Heddlu Dyfed-Powys, wrth wrthod darparu gwybodaeth o’r fath (gan fod yr wybodaeth yn esempt), roi hysbysiad i chi, y ceisydd, sydd:
(a) yn datgan y ffaith honno,
(b) yn pennu’r esemptiad o dan sylw, ac
(c) yn datgan (os na fyddai hynny’n amlwg fel arall) pam fod yr esemptiad yn gymwys.
Mae’r eithriad uchod wedi’i gymhwyso mewn perthynas â chwestiynau 1 a 2 o’r cais hwn, oherwydd bod yr wybodaeth y gofynnwyd amdani eisoes wedi’i chyhoeddi a bod modd ei chyrchu trwy’r hyperddolenni canlynol:
System a ddefnyddir ar gyfer adrodd gan y cyhoedd mewn perthynas â throseddau gyrru = Ymgyrch SNAP – Ymgyrch SNAP (gosafesnap.wales)
Mae ymateb i’r cwestiwn hwn wedi’i gyhoeddi ar dudalen cwestiynau cyffredin Ymgyrch SNAP: https://www.ganbwyll.org/cwestiynau-cyffredin/
Ymateb ychwanegol i gwestiwn tri
Yr unig amser y bydd person yn gwybod yr union ganlyniad yw os bydd y mater yn mynd i'r llys ac efallai y bydd y sawl sy'n adrodd yn cael ei alw fel tyst.
Dylid nodi, o ganlyniad i’r systemau a fabwysiadwyd gan Heddlu Dyfed-Powys mewn perthynas â chofnodi gwybodaeth o’r fath, y gallai’r wybodaeth a ryddheir fod yn gywir neu beidio. Dylid nodi, am y rhesymau hyn, na ddylid defnyddio ymateb yr heddlu hwn i’ch cwestiynau at ddibenion cymharu ag unrhyw ymateb arall a gewch.
(Ymateb yw hwn o dan Ddeddf Rhyddid Gwybodaeth 2000 ac fe’i datgelwyd ar 22 Gorffennaf 2024)