Prentisiaid 918/2023

Cyfeirnod Rhyddid Gwybodaeth: 918/2023

Cais:

Faint o brentisiaid sydd yn yr Heddlu, faint sy’n mynd drwy gyfrwng y Gymraeg a faint yn ddwyieithog?

A fyddai hi’n bosibl cael y wybodaeth wedi ei dosbarthu yn ôl cymhwyster, yn ogystal â fel cyfanswm?

Pwy sy’n rhedeg prentisiaethau ac yn darparu adnoddau ar gyfer prentisiaid?

C Eglurhad:

Mewn perthynas â’ch cais - Faint o brentisiaid sydd yn yr Heddlu, faint sy’n mynd drwy gyfrwng y Gymraeg a faint yn ddwyieithog?

Allwch chi fod yn fwy penodol os gwelwch yn dda ynghylch pa wybodaeth yr ydych yn ei cheisio.

A Eglurhad:

• Faint o brentisiaid sydd gan Heddlu Dyfed Powys ar hyn o bryd?
• O’r rhain, faint sy’n dilyn eu hyfforddiant prentisiaeth drwy gyfrwng y Gymraeg a faint sy’n dilyn eu prentisiaethau yn ddwyieithog?
• A yw Heddlu Dyfed Powys yn rhedeg ei gynllun prentisiaeth ei hun ac yn darparu adnoddau ar gyfer prentisiaethau, neu a oes yna ddarparwr allanol?
• A yw’r adnoddau ar gyfer prentisiaethau ar gael ac wedi eu darparu yn Gymraeg; ac a oes angen i’r rhai sy’n dilyn prentisiaeth wneud cais amdanynt?

C Eglurhad:

Beth yn union ydych chi’n ei olygu gan brentisiaethau, h.y.

• Staff yr Heddlu sydd ar hyn o bryd yn ymgymryd â rhaglenni prentisiaeth
• Llwybr prentisiaeth Swyddogion yr Heddlu (Prentisiaeth Gradd Swyddogion yr Heddlu/PGSH)
• Prentisiaethau newydd i’r swydd ar raglen prentisiaeth cyfnod penodol 2 flynedd

A allwch chi fod yn fwy penodol os gwelwch yn dda er mwyn i ni allu darparu ymateb mwy ystyrlon i chi.

A Eglurhad:

Mae’n ddrwg gen i am y dryswch, nifer y rhai hynny’n dilyn prentisiaeth er mwyn dod yn swyddog heddlu oedd e, a nifer y rhai hynny’n dilyn prentisiaeth yn Gymraeg er mwyn dod yn swyddog heddlu.

Bydden ni’n cymryd bod hynny’n golygu'r rhai hynny sy’n dilyn y llwybr prentisiaeth swyddogion yr heddlu a’r rhai hynny’n dilyn y rhaglen brentisiaeth dwy flynedd.

Ymateb:

Gallaf gadarnhau bod Heddlu Dyfed Powys yn dal y wybodaeth a geisiwyd, fel yr amlinellir isod.

Llwybr prentisiaeth Swyddogion yr Heddlu (PGSH): 143

Prentisiaethau newydd i’r swydd ar raglen brentisiaeth cyfnod penodol 2 flynedd: 12

Cwnstabliaid yr Heddlu llwybr mynediad Prentisiaeth Gradd Swyddogion yr Heddlu, Fframwaith Cymwysterau Addysg Plismona:

Cymraeg – 0

Dwyieithog – 0

Bydd y darparwr allanol yn darparu’r adnoddau’n ymwneud â’r brentisiaeth.

Bydd Heddlu Dyfed Powys yn darparu’r sefydlu i rôl y brentisiaeth.

Llwybr prentisiaeth Swyddogion yr Heddlu (PGSH) - Mae adnoddau ar gyfer myfyrwyr sy’n dilyn llwybr mynediad Fframwaith Cymwysterau Addysg Plismona'r PGSH ar gael yn Gymraeg os ydynt yn dymuno hynny, ond hyd yn hyn mae pob un o’r myfyrwyr wedi dewis dilyn deunydd a ddarparwyd yn Saesneg.

(Mae hwn yn ymateb dan Ddeddf Rhyddid Gwybodaeth 2000 a ddatgelwyd ar 07/05/2024)