Cwynion am aflonyddu rhywiol 220/2024

Cyfeirnod Rhyddid Gwybodaeth: 220/2024

Cais:

Rwy’n gofyn am yr wybodaeth ganlynol:

1) Ers 1 Ionawr 2018, sawl aelod o staff yn eich heddlu sydd wedi gwneud cwyn am aflonyddu rhywiol yn erbyn cyd-aelod o staff?

2) Faint o’r cwynion a wnaed o fewn yr amser hwnnw a gadarnhawyd?

3) Beth ddeilliodd o’r cwynion a gadarnhawyd? Gall canlyniadau gynnwys ond heb fod yn gyfyngedig i rybudd llafar, rhybudd ysgrifenedig, gwaharddiad, diswyddiad, neu atgyfeiriad i gamau cyfreithiol.

4) Os nad yw’n peri i’r cais fynd uwchlaw’r uchafswm o ran cost, a allwch chi hefyd gynnwys y canlynol?

(i)   Natur yr honiad

(ii)  Rhywedd a rheng yr achwynydd

(iii) Rhywedd a rheng y cyflawnwr honedig

(iv) Lle bu’r cyflawnwr yn gwasanaethu (h.y. y sir neu’r dref)

5) a) Pob canlyniad camymddwyn yn ymwneud â honiadau, gan gynnwys nifer y staff a ddiswyddwyd o ganlyniad i’r honiad.

b) Holl ganlyniadau troseddol yr honiadau wedi’u dadansoddi fesul: i) cyhuddiadau, a ii) euogfarnau.

c) Nifer yr honiadau, i) yr ymchwiliwyd iddynt, ac yna ii) a gadarnhawyd gan a) yr Adran Safonau Proffesiynol, a b) Swyddfa Annibynnol Ymddygiad yr Heddlu.

Ymateb:

Cwestiwn 1

Gallaf gadarnhau nad yw Heddlu Dyfed-Powys yn cadw’r wybodaeth y gofynnwyd amdani, ac esbonnir hyn isod.

Ni all cyflogai wneud cwyn am ei heddlu nac am rywun arall a gyflogir gan yr heddlu (adran 29 o Ddeddf Diwygio’r Heddlu).

Er nad yw pobl sy’n gwasanaethu gyda’r heddlu yn gallu defnyddio system gwynion yr heddlu i wneud cwyn am eu heddlu eu hunain, gallant godi pryderon trwy ddulliau eraill megis trwy gwynion annhegwch yn y gwaith.

Cwestiynau 2, 3 a 4

Nid oes unrhyw wybodaeth yn cael ei chadw gan nad yw’r cwestiynau hyn yn gymwys ar sail yr ymateb a ddarparwyd yng nghwestiwn 1.

Cwestiwn 5

Gallaf gadarnhau bod Heddlu Dyfed-Powys yn cadw’r wybodaeth ganlynol sy’n ymwneud â’r cwestiwn hwn, a nodir isod;

Canlyniadau camymddwyn yn ymwneud â honiadau o aflonyddu rhywiol gan un o weithwyr Heddlu Dyfed-Powys:

a) 0

b) 0

c) i) 2 wedi’u hymchwilio ii) 0 wedi’u cadarnhau.                       

(Ymateb yw hwn o dan Ddeddf Rhyddid Gwybodaeth 2000 ac fe’i datgelwyd ar 18 Mawrth 2024)