Swyddogion a staff heddlu wedi'u hatal 538/2024
Cyfeirnod Rhyddid Gwybodaeth: 538/2024
Cais:
Hyd heddiw:
- Faint o swyddogion heddlu o'ch heddlu sydd wedi’u hatal dros dro?
- Faint o staff yr heddlu sydd wedi’u hatal dros dro?
- Faint o swyddogion heddlu sydd ar ddyletswyddau cyfyngedig?
- Faint o staff yr heddlu sydd wedi’u hatal dros dro?
- Y rhesymau pam y cafodd pob un o'r swyddogion neu staff hynny eu hatal dros dro/eu rhoi ar ddyletswyddau cyfyngedig ym mhob achos.
Cwestiwn i geisio eglurhad:
Yr hyn yr ydych yn ei olygu mewn perthynas â dyletswyddau cyfyngedig, gan y gellid defnyddio’r term ar gyfer ystod eang o gyfyngiadau, e.e. oherwydd rhesymau iechyd?
Ateb i egluro:
A fyddech cystal â chynnwys yr holl resymau yr oedd staff/swyddogion ar ddyletswyddau cyfyngedig, gan gynnwys yr holl resymau ar wahân.
Ymateb 1:
Gallaf gadarnhau bod Heddlu Dyfed-Powys yn cadw’r wybodaeth y gofynnwyd amdani, fel yr amlinellir isod.
7
Ymateb 2:
Gallaf gadarnhau bod Heddlu Dyfed-Powys yn cadw’r wybodaeth y gofynnwyd amdani, fel yr amlinellir isod.
0
Ymateb 3:
Gallaf gadarnhau bod Heddlu Dyfed-Powys yn cadw’r wybodaeth y gofynnwyd amdani, fel yr amlinellir isod.
Mae’r term ‘dyletswyddau cyfyngedig’ wedi’i ddehongli i olygu pob math o gyfyngiad, boed yn ymwneud ag iechyd (dyletswyddau cyfyngedig), iechyd a diogelwch, lles neu gamymddwyn (atal dros dro a chyfyngiadau gan reolwyr).
Ar 20 Mai 2024, roedd nifer swyddogion yr heddlu yn cyflawni dyletswyddau amgen fel a ganlyn:
- Dyletswyddau cyfyngedig (gan gynnwys dyletswyddau wedi'u haddasu, dyletswyddau adferol) – 115 o swyddogion
- Cyfyngiad gan reolwyr (gan gynnwys atal dros dro) – 13 o swyddogion
- Iechyd a diogelwch (gan gynnwys beichiogrwydd) – 17 o swyddogion
- Addasiad lles – 3 o swyddogion
Sylwer: mae ‘dyletswyddau wedi’u haddasu’ yn gyfyngiadau ar ddyletswyddau arferol swyddog heddlu sy’n para chwe mis neu fwy. Mae ‘dyletswyddau adferol’ yn gyfyngiadau ar ddyletswyddau arferol swyddog heddlu sy’n para llai na chwe mis. Nid yw’r ffaith bod swyddog wedi’i gategoreiddio fel swyddog ar ddyletswyddau wedi’u haddasu neu adferol o reidrwydd yn golygu na allant gyflawni dyletswyddau llawn eu rôl.
Ymateb 4:
Gallaf gadarnhau bod Heddlu Dyfed-Powys yn cadw’r wybodaeth y gofynnwyd amdani, fel yr amlinellir isod.
0
Ymateb 5:
Gallaf gadarnhau bod Heddlu Dyfed-Powys yn cadw’r wybodaeth y gofynnwyd amdani, fel yr amlinellir isod.
Swyddogion:Y cyfan am gamymddwyn honedig.
Staff:
- Dyletswyddau cyfyngedig - dyletswyddau wedi'u haddasu
- Dyletswyddau cyfyngedig - dyletswyddau adferol
- Dyletswyddau cyfyngedig – adferol a gwellhad
- Cyfyngiad meddygol (staff yn unig)
- Cyfyngiad gan reolwyr (gan gynnwys atal dros dro)
- Cyfyngiad iechyd a diogelwch, gan gynnwys beichiogrwydd
- Addasiad lles
Sylwch fod y rhesymau dros gyfyngiadau wedi'u nodi fel penawdau yn ein system.Oherwydd sensitifrwydd cyfyngiadau, nid yw'r rhesymau dros gyfyngiadau penodol o reidrwydd yn cael eu cofnodi.
Sylwer:
Nodwn fod eich cwestiwn 2 yr un fath â chwestiwn 4 a chredwn y dylai eich cwestiwn 4 fod wedi darllen: faint o staff heddlu sydd ar ddyletswyddau cyfyngedig.
Felly, gwelwch isod ymateb i'r cwestiwn hwn hefyd:
Ar 20 Mai 2024, roedd nifer staff yr heddlu ar ddyletswyddau cyfyngedig fel a ganlyn:
- Cyfyngiad meddygol - 8
- Cyfyngiad gan reolwyr (gan gynnwys atal dros dro) – 1
- Iechyd a diogelwch (gan gynnwys beichiogrwydd) – 16
(Ymateb yw hwn o dan Ddeddf Rhyddid Gwybodaeth 2000 ac fe’i datgelwyd ar 18 Mehefin 2024)