Troseddau goryrru 20mya 426/2024

Cyfeirnod Rhyddid Gwybodaeth:  426/2024

Cais:

1. Data Heddlu Dyfed-Powys ar gyfer troseddau goryrru ar ffyrdd 20mya gan ddechrau o’r adeg y daeth y terfyn cyflymder newydd i rym (Tachwedd 2023, rwy’n credu) tan fis Mawrth 2024.
2. Hoffwn yn benodol i’r data ynghylch troseddau gael eu dadansoddi yn ôl lleoliad y drosedd.
3. Hoffwn gael y data ar gyfer pob ardal y mae Heddlu Dyfed-Powys yn eu cwmpasu.

Cwestiwn i geisio eglurhad – A ydych yn dymuno gwybod cyfanswm nifer yr unigolion a stopiwyd gan swyddog, ac a gafodd gynnig amodol o ddirwy o £100 a thri phwynt wedi hynny?  Os hoffech wybod nifer yr unigolion a gafodd eu dal yn goryrru gan fan cyflymder neu gamera sefydlog, byddai’r wybodaeth honno yn cael ei chadw gan y Bartneriaeth Camerâu Diogelwch ym Mhontypridd.
Tybed a allech chi fod yn fwy penodol? Wrth gyfeirio at leoliad, a ydych yn cyfeirio at y pedwar rhanbarth?

Ateb yn rhoi eglurhad – Ydw. I egluro, hoffwn wybod nifer yr unigolion a stopiwyd gan swyddog rhwng mis Tachwedd 2023 a mis Mawrth 2024 ym mhob ardal yr ydych yn eu cwmpasu, a gafodd bryd hynny naill ai’r ddirwy a’r pwyntiau neu’r ‘sesiynau ymgysylltu cymunedol’ y gwn fod swyddogion wedi bod yn eu cynnig yn ôl disgresiwn fel rhan o Ymgyrch Ugain. Rwy’n edrych yn benodol am fwy o ddadansoddiad o’r math hwn o ddata ynghylch troseddau a dywedwyd wrthyf am fynd at yr heddluoedd unigol ar gyfer hyn. Rwy’n edrych am yr union leoliadau lle y digwyddodd y troseddau, yn cynnwys enw’r stryd, os yw’n bosibl. 

Ymateb:

Gallaf gadarnhau bod Heddlu Dyfed-Powys yn cadw’r wybodaeth y gofynnwyd amdani, fel yr amlinellir isod.

Yn ystod yr amserlen benodedig mae tri unigolyn wedi cael eu stopio gan swyddog a chawsant gynnig amodol o £100 a thri phwynt am oryrru ym mharth â therfyn cyflymder o 20mya.  Y lleoliadau lle cafodd yr unigolion eu stopio yw:

Heol Llannon, Pontyberem, Sir Gaerfyrddin

Heol Dale, Hwlffordd, Sir Benfro

Heol Wallasey, Rhydaman, Sir Gaerfyrddin

Yn ystod Ymgyrch Ugain ymgysylltwyd â’r nifer isod o yrwyr.

Dyddiadau                    Lleoliadau                                Cyfanswm y gyrwyr yr ymgysylltwyd â nhw

19 Chwefror 2024        Gorsaf Dân Rhydaman                           39

21 Chwefror 2024        Gorsaf Dân Rhydaman                           16

22 Chwefror 2024        Gorsaf Dân Llanelli                                 19

23 Chwefror 2024        Gorsaf Dân Caerfyrddin                          41

26 Chwefror 2024        Gorsaf Dân Llandeilo                              12

Mae gorfodaeth o ran y terfyn cyflymder o 20mya wedi’i chyflawni yn y lleoliadau isod rhwng mis Tachwedd 2023 a mis Mawrth 2024:

Dylid nodi, o ganlyniad i’r systemau a fabwysiadwyd gan Heddlu Dyfed-Powys mewn perthynas â chofnodi gwybodaeth o’r fath, y gallai’r wybodaeth a ryddheir fod yn gywir neu beidio. Dylid nodi, am y rhesymau hyn, na ddylid defnyddio ymateb yr heddlu hwn i’ch cwestiynau at ddibenion cymharu ag unrhyw ymateb arall a gewch.           

(Ymateb yw hwn o dan Ddeddf Rhyddid Gwybodaeth 2000 ac fe’i datgelwyd ar 3 Mehefin 2024)