Ymchwilwyr i dwyll 507/2024

Cyfeirnod Rhyddid Gwybodaeth:  507/2024

Cais C1:-

O dan Ddeddf Rhyddid Gwybodaeth gofynnaf am wybodaeth ynglŷn â nifer y swyddogion heddlu yn Heddlu Dyfed-Powys sy'n gallu cynnal ymchwiliadau i dwyll.

A fyddech cystal â rhoi manylion ynghylch ble y mae’r swyddogion hyn wedi’u lleoli.

Cais C2:-

O dan Ddeddf Ryddid Gwybodaeth gofynnaf am wybodaeth am unrhyw gytundeb cyfreithiol neu "femorandwm cyd-ddealltwriaeth" sydd gan Heddlu Dyfed-Powys gyda chynghorau Sir Gaerfyrddin, Ceredigion, Sir Benfro a Phowys.

Gallaf gadarnhau bod Heddlu Dyfed-Powys yn cadw’r wybodaeth y gofynnwyd amdani, fel yr amlinellir isod:

Ymateb C1

Mae dau swyddog heddlu yn Heddlu Dyfed-Powys sydd wedi’u neilltuo i ymchwilio i dwyll, ac mae'r ddau ohonynt wedi'u lleoli ym mhencadlys yr heddlu.

Fodd bynnag, mae pob swyddog â gwarant yn gallu cynnal ymchwiliadau i dwyll.

Ymateb C2

Nid oes unrhyw gytundebau rhannu na memorandwm cyd-ddealltwriaeth rhwng yr heddlu a chynghorau Sir Gaerfyrddin, Ceredigion, Sir Benfro a Phowys, ar gyfer ymchwiliadau i dwyll neu ddwyn o fewn y sefydliadau hyn.

Dylid nodi, oherwydd y systemau a fabwysiadwyd gan Heddlu Dyfed-Powys mewn perthynas â chofnodi materion o’r fath, y gallai’r wybodaeth a ddarparwyd fod yn gywir neu beidio. Dylid nodi, am y rhesymau hyn, na ddylai ymateb yr heddlu hwn i’ch cwestiynau gael ei ddefnyddio at ddibenion cymharu ag unrhyw ymateb arall y gallech ei dderbyn. 

(Ymateb yw hwn o dan Ddeddf Rhyddid Gwybodaeth 2000 ac fe’i datgelwyd ar 17 Mehefin 2024)