Trosglwyddedigion

• Rhaid eich bod wedi cwblhau’ch cyfnod prawf a’ch rheng wedi’i chadarnhau.
• Rhaid eich bod chi’n aelod presennol o wasanaeth heddlu’r Swyddfa Gartref.
• Bydd angen trwydded yrru lawn arnoch – mae hyn oherwydd natur ddaearyddol ein hardal heddlu. Noder – disgwylir i holl swyddogion Heddlu Dyfed-Powys yrru’n ymatebol, ac o’r herwydd, mae’n rhaid ichi fodloni safonau meddygol Grŵp 2 yr Asiantaeth Trwyddedu Gyrwyr a Cherbydau.
• Rhaid ichi fod wedi byw yn y DU am dair blynedd yn olynol yn union cyn gwneud cais, neu’n medru darparu Tystysgrif Ymddygiad Da gan y wlad berthnasol.
• Ni ddylai fod gennych unrhyw faterion disgyblu neu onestrwydd sydd heb eu penderfynu.
• Ni ddylai fod gennych datŵau ar eich dwylo, gwddf, elinoedd neu wyneb a allai fod yn sarhaus i gydweithwyr neu aelodau'r cyhoedd. Nid yw tatŵau’n dderbyniol os ydynt: yn tanseilio urddas ac awdurdod y swyddog heddlu; yn gallu tramgwyddo aelodau o'r cyhoedd neu gydweithwyr a/neu gythruddo pobl eraill; yn llachar neu’n niferus neu’n arbennig o amlwg; yn dangos agweddau annerbyniol tuag at fenywod, grwpiau lleiafrifol neu unrhyw ran arall o'r gymuned; yn dangos ymochredd â grŵp penodol a allai beri tramgwydd i’r cyhoedd neu i gydweithwyr; neu’n cael eu hystyried yn wahaniaethol, yn anghwrtais, yn anweddus, yn amrwd, yn hiliol, yn rhywiaethol, yn sectyddol, yn homoffobig, yn dreisgar neu’n fygythiol.
• Rhaid bod gennych gofnod presenoldeb tair blynedd boddhaol, yn unol â pholisi Rheoli Absenoldebau Heddlu Dyfed-Powys.

Does dim rhaid eich bod chi’n medru siarad Cymraeg ar adeg trosglwyddo, fodd bynnag, gofynnwn i bob swyddog ac aelod staff fedru cyfathrebu hyd lefel 1 o fewn 6 mis ar ôl cael ei benodi i’r swydd. Rydyn ni’n cynnig nifer o gyfleoedd gwahanol ar gyfer cyflawni hyn; o wersi ar-lein i wersi wyneb yn wyneb.

Os nad ydyn ni’n agored ar hyn o bryd ar gyfer trosglwyddiadau ar eich rheng bresennol, cewch wneud cais i drosglwyddo ar reng is.

Mae croeso ichi drosglwyddo tra’ch bod chi ar seibiant gyrfa. Adolygir pob cais fesul achos.  

Pan fyddwch chi’n trosglwyddo i HDP, yr ydym yn cynnig cwrs cynefino 3 wythnos o hyd ym Mhencadlys yr Heddlu, Caerfyrddin. Mae’n cael ei gyflwyno gan un o’n hyfforddwyr pwrpasol ac yn cynnwys cyflwyniadau megis Hyfforddiant Diogelwch Personol, hyfforddiant systemau ac ati, sydd wedi’u hanelu at eich helpu i gynefino â’ch swydd newydd fel swyddog heddlu gyda ni. Ni ellir cymryd gwyliau blynyddol yn ystod y cyfnod hyfforddi cychwynnol hwn o 3 wythnos.

Bydd unrhyw gymwysterau cenedlaethol, e.e. Fframwaith Dyrchafiadau Cenedlaethol yr Heddlu, yn cael eu cydnabod unwaith y byddwch chi wedi cyflwyno tystiolaeth o’ch canlyniad i’r tîm Recriwtio.  

Edrychir ar gymwysterau eraill fesul achos a’u trosglwyddo gyda chi os yw’r sgìl / cymhwyster cyfwerth â’n safonau ni. Mewn rhai achosion, efallai bydd angen ailasesu’r sgìl.

Rhaid i’n holl swyddogion fyw o fewn awr neu 30 milltir o’r orsaf y maent wedi’u lleoli ynddi.

Yn ystod y cam cyn cyflogaeth, bydd angen ichi roi tystiolaeth o’r Prawf Ffitrwydd sy’n Gysylltiedig â’r Swydd diwethaf ichi gwblhau. Bydd angen i hyn fod o fewn dyddiad a rhaid eich bod chi wedi llwyddo yn y prawf yn ystod y 6 mis diwethaf er mwyn trosglwyddo. Os nad oes gennych Brawf Ffitrwydd sy’n Gysylltiedig â’r Swydd dilys, gallwn drefnu bod hwn yn cael ei gwblhau ym Mhencadlys yr Heddlu, Caerfyrddin.

Bydd. Bydd statws ariannol pob ymgeisydd yn cael ei wirio yn ystod y broses recriwtio. Mae’r Prif Gwnstabl yn cadw’r hawl i wrthod ymgeisydd ar unrhyw adeg yn y broses recriwtio, heb ddatgelu’r rhesymau dros wrthod.

Oes – byddwn ni’n cwblhau proses gwiriadau fetio llawn – mae’n rhaid inni gynnal gwiriadau fetio trylwyr ar bob ymgeisydd llwyddiannus cyn y gallant ymuno â Heddlu Dyfed-Powys, ni waeth ble maen nhw’n gweithio ar hyn o bryd. Gan hynny, mae’n RHAID i ymgeiswyr ddatgan:

• Pob euogfarn, rhybuddiad, cerydd neu rybudd am droseddau yn y gorffennol (gan gynnwys rhai a gafwyd fel unigolyn ifanc) 
• Unrhyw achos o rwymo i gadw’r heddwch a osodwyd gan y llysoedd
• Euogfarnau am droseddau traffig a gyrru (gan gynnwys manylion unrhyw waharddiad perthnasol)
• Unrhyw gysylltiad â’r awdurdodau milwrol ar faterion disgyblu
• Cysylltiad ag ymchwiliad troseddol (hyd yn oed os nad arweiniodd at erlyniad) neu unrhyw gysylltiad â throseddwyr.

Byddwn ni’n cysylltu â’ch Adran AD a’ch Uned Safonau Proffesiynol os fyddwch chi wedi llwyddo yn y cyfweliad.

Cydnabyddir unrhyw wasanaeth presennol neu flaenorol ar gyfer dibenion gwyliau blynyddol, a byddwch chi’n derbyn hawl pro-rata ar ôl trosglwyddo. Disgwylir ichi gymryd yr holl wyliau y mae gennych hawl i’w cael yn eich heddlu presennol gan na fydd yn bosibl trosglwyddo gwyliau sy’n ddyledus.

Yn ogystal, ni ellir trosglwyddo amser i ffwrdd yn lle’r amser a weithiwyd.

Gwneir pob ymdrech i anrhydeddu unrhyw drefniadau o ran amser i ffwrdd/gwyliau sydd wedi’u trefnu eisoes, ond yn y pen draw, bydd hyn yn ôl disgresiwn eich rheolwr llinell newydd yn Heddlu Dyfed-Powys.

Bydd eich cyflog yn unol â’r cyfraddau cenedlaethol ar gyfer eich rheng a’ch gwasanaeth. Byddwch chi’n trosglwyddo ar yr un pwynt cyflog a dyddiad cynyddiad rydych chi’n derbyn ar hyn o bryd, ar yr amod na fu unrhyw doriad mewn gwasanaeth.  

Telir cyflogau yn uniongyrchol i’ch cyfrif banc neu gymdeithas adeiladu a byddwch chi’n cael eich talu ar ddiwrnod olaf y mis, heblaw bod y diwrnod hwnnw ar benwythnos, dydd Llun neu ddydd Mawrth.

Fel arfer, gellir trosglwyddo eich gwasanaeth pensiynadwy’n uniongyrchol o un Heddlu i un arall. Gan hynny, mae eich pensiwn yn trosglwyddo gyda chi. Ar yr amod nad oes bwlch yn eich gwasanaeth, bydd eich trosglwyddiad dal yn wasanaeth parhaus. 

Ni ddylech ymddiswyddo o’ch Heddlu presennol hyd nes y byddwch wedi cwblhau holl agweddau’r broses ddethol a derbyn cadarnhad ysgrifenedig o ddyddiad cychwyn a lleoliad. Dylai’ch ymddiswyddiad fod yn effeithiol o hanner nos y diwrnod cyn eich dyddiad ar gyfer ymuno â Heddlu Dyfed-Powys. Bydd hyn yn sicrhau nad oes toriad mewn gwasanaeth a bod eich hawliau’n parhau.