mgyrch heddlu arwyddocaol yn Leighton Arches, y Trallwng
Cynnwys y prif erthygl
Mae Heddlu Dyfed-Powys wedi gweithredu gwarantau chwilio ym maes carafanau Leighton Arches ac wedi gwneud nifer o arestiadau mewn cysylltiad ag amheuaeth o fasnachu cyffuriau Dosbarth A a reolir.
Dwedodd yr Uwcharolygydd Clark Jones-John: “Ar hyn o bryd, mae tri dyn (25, 19 a 32 oed) wedi eu harestio ar amheuaeth o fasnachu cyffuriau Dosbarth A a reolir, ac maent wedi eu cadw yn nalfa’r heddlu.
“Yn ystod ymgyrch arwyddocaol gan yr heddlu, fe wnaethom atafaelu swm o’r hyn a gredir sy’n gyffuriau Dosbarth A a Dosbarth B.
“Bydd swyddogion plismona bro yn ardal y Trallwng i roi sicrwydd i breswylwyr ym maes carafanau Leighton Arches a’r gymuned ehangach.
“Mae’r ymchwiliad hwn yn rhan o ymrwymiad Heddlu Dyfed-Powys i ostwng y bygythiad a’r niwed difrifol y mae cyffuriau Dosbarth A yn ei beri i unigolion ac i’n cymunedau yn eu cyfanrwydd.”
Anogir unrhyw un sydd ag unrhyw bryderon ynghylch gweithgarwch troseddol yn ymwneud â chyffuriau i gysylltu â Heddlu Dyfed-Powys naill ai arlein ar https://bit.ly/DPPContactOnline, drwy anfon ebost at [email protected], neu drwy ffonio 101. Os ydych yn fyddar, yn drwm eich clyw, neu os oes gennych nam ar eich lleferydd anfonwch neges destun at y rhif difrys 07811 311 908.
Fel arall, cysylltwch â’r elusen annibynnol Crimestoppers Cymru’n ddienw drwy ffonio 0800 555111, neu drwy fynd at crimestoppers-uk.org.