TEYRNGED | Teulu yn rhyddhau teyrnged i Chris John
Cynnwys y prif erthygl
Mae teulu Chris John, 31 oed, a fu farw mewn gwrthdrawiad ar yr A478 ger Llandysilio, Sir Benfro ddoe (Dydd Llun Mai 17) wedi rhyddhau teyrnged iddo.
"Mae ein teulu cyfan wedi torri’n calonnau ar ôl colled sydyn a thrasig Chris, a oedd yn dad, gŵr, mab a brawd annwyl. Roedd Chris yn meddwl y byd o bawb a oedd yn rhan o’i fywyd, ac roedd pawb yn meddwl y byd ohono yntau, yn enwedig ei ddwy ferch ifanc. Er mai ei deulu oedd yn mynd â’i fryd yn bennaf erioed, rydym yn hynod falch o'i lwyddiant ym myd chwaraeon, gan gynrychioli ei wlad mewn bowls mat byr ochr yn ochr â'i dad a'i frawd iau.
"Mae ein teulu’n ddiolchgar iawn am gefnogaeth ei ffrindiau ef a'n ffrindiau ninnau, yn Llanboidy lle’i magwyd ac yn ei gartref yng Nghlynderwen. Rydym nawr am gael amser i alaru a gofynnwn am gael preifatrwydd i wneud hynny."