Diwrnod ymgysylltu cymunedol llwyddiannus yn Crossgates fel rhan o Ymgyrch Apex

Ar ddydd Sul 8fed Mehefin, cynhaliodd swyddogion plismona ffyrdd o Heddlu Dyfed-Powys ddiwrnod ymgysylltu cymunedol llwyddiannus yn Crossgates fel rhan o Ymgyrch Apex, ymgyrch diogelwch ffyrdd bwrpasol gyda'r nod o leihau gwrthdrawiadau sy'n gysylltiedig â beiciau modur ar draws Dyfed-Powys.

Rhoddodd y digwyddiad, a gynhaliwyd mewn man cyfarfod poblogaidd i feicwyr, gyfle i swyddogion siarad yn uniongyrchol â beicwyr modur am faterion diogelwch allweddol, gan gynnwys ymwybyddiaeth o gyflymder, offer amddiffynnol, a phwysigrwydd aros yn weladwy ar y ffordd. Dyam oedd y digwyddiad cyhoeddus cyntaf i feic Ymgyrch Apex newydd yr heddlu - BMW S1000XR - a fydd yn cael ei ddefnyddio i gefnogi ymdrechion diogelwch parhaus ac ymgysylltu cymunedol ar draws y llu.

Ochr yn ochr â'n swyddogion, gwelodd y diwrnod gyfranogiad gweithredol gan bartneriaid gan gynnwys:

• Sefydliad Modurwyr Uwch, yn cynnig sesiynau sgiliau beicio byr gyda chefnogaeth ein beicwyr heddlu.
• GanBwyll, a roddodd wybodaeth ac a ymgysylltodd â beicwyr ar ymwybyddiaeth o gyflymder a diogelwch ar y ffyrdd.
• Swyddog Diogelwch Ffyrdd y Gwasanaeth Tân, a ymunodd â'r tîm yn stondin Ymgyrch Apex i gefnogi'r neges diogelwch.

Mynegodd beicwyr ddiddordeb cryf hefyd yn BikeSafe, gyda llawer yn gofyn am wybodaeth ar sut i archebu lle ar gwrs. Roedd yr adborth gan y beicwyr yn hynod gadarnhaol, gan atgyfnerthu nodau'r ymgyrch o wella gwybodaeth beicwyr a lleihau risg ar y ffyrdd.

Dywedodd y Rhingyll Plismona Ffyrdd, David Hawksworth:

"Rydym yn falch o weld cymaint o ddiddordeb a chefnogaeth gan y gymuned feicio. Mae Ymgyrch Apex yn ymwneud â gweithio gyda'n gilydd i wneud beicio'n fwy diogel ac yn fwy pleserus i bawb. Mae digwyddiadau fel hyn yn dangos pa mor bwerus y gall ymgysylltu wyneb yn wyneb fod.

"Mae'r ymgyrch hon yn ymwneud ag achub bywydau. Mae beicwyr modur yn parhau i fod yn un o'r grwpiau mwyaf agored i niwed ar ein ffyrdd, ac Ymgyrch Apex yw ein ffordd ni o ymgysylltu â'r gymuned feicio i hyrwyddo arferion beicio mwy diogel ac annog cyfrifoldeb ar y cyd."

Cynhelir digwyddiad nesaf Ymgyrch Apex ddydd Sul 22 Mehefin yn y Bandstand ar y Promenâd yn Aberystwyth, mewn partneriaeth â Thîm Diogelwch Ffyrdd Cyngor Ceredigion, Gwasanaeth Tân ac Achub Canolbarth a Gorllewin Cymru, a Beiciau Gwaed Cymru.

Bydd Ymgyrch Apex yn parhau drwy gydol yr haf, gyda digwyddiadau pellach a phatrolau wedi'u targedu wedi'u cynllunio mewn ardaloedd problemus.

Am ragor o wybodaeth am ddiogelwch beiciau modur a digwyddiadau Ymgyrch Apex sydd i ddod, ewch i'n tudalen Ymgyrch Apex.