Dedfryd o wyth mlynedd o garchar ar ôl stop cerbyd a ddatgelodd gwerth dros £150,000 o gyffuriau anghyfreithlon

Ddydd Gwener 2 Ionawr, fe wnaeth Uned Plismona’r Ffyrdd leol stopio a gwirio cerbyd Seat Acea llwyd Dean Evans, 43 oed, fel mater o drefn. Chwiliwyd Evans a’i gerbyd o dan y Ddeddf Camddefnyddio Cyffuriau yn dilyn ei sylwadau y byddai swyddogion yn dod o hyd i ‘stwff’ yn y car. 

Ar ôl yr stop ar Ffordd Hoyland, Penfro, cafodd Evans ei arestio ar amheuaeth o feddu gyda'r bwriad o gyflenwi cyffuriau rheoledig ar ôl i flwch cardbord yn cynnwys bloc un cilogram o gocên a deg pecyn hanner cilogram o ganabis llysieuol gael eu canfod yng nghist y Seat. Roedd gwerth stryd y cyffuriau ymhell dros £150,000.

Cyhuddwyd y dyn 43 oed o feddu ar gyffuriau Dosbarth A a B gyda'r bwriad o'u cyflenwi a phlediodd yn euog yn Llys Ynadon Abertawe ddydd Sadwrn 3 Ionawr.

Ddydd Iau 28 Ionawr, dedfrydwyd Evans yn Llys y Goron Caerdydd i wyth mlynedd o garchar am feddu â’r bwriad o gyflenwi cocên a chanabis.

Dywedodd y Ditectif Gwnstabl Jones o Uned Troseddau Difrifol a Throseddu Trefnedig Sir Benfro -
“Mae mynd i’r afael â chyflenwi cyffuriau anghyfreithlon yn flaenoriaeth ar gyfer Heddlu Dyfed-Powys ac ni fydd y diflastod a achosir i gymunedau lleol gan gyffuriau anghyfreithlon yn cael ei oddef.

Rydyn ni’n croesawu’r ddedfryd a gyflwynwyd i Dean Evans o ystyried faint o gyffuriau anghyfreithlon y cafodd ei ddal yn masnachu i Sir Benfro.

Dylai’r ddedfryd hon fod yn rhybudd clir i unrhyw un arall sy’n cael ei demtio i’r fasnach cyffuriau anghyfreithlon yn Nyfed a Phowys.”