Sut i gwyno am yr heddlu
Yn yr adran hon:
| 1. Yr hyn y gallwch chi gwyno amdano |
| 2. Sut i gwyno am yr heddlu |
| 3. Beth sy'n digwydd i'ch cwyn |
| 4. Beth i'w wneud os ydych chi’n anfodlon ar ganlyniad eich cwyn |
Cewch chi naill ai cwyno'n uniongyrchol i ni neu gysylltu â Swyddfa Annibynnol Ymddygiad yr Heddlu (IOPC). Bydd yr IOPC yn anfon eich cwyn at yr heddlu neu’r Comisiynydd Heddlu a Throseddu perthnasol ar eich rhan.
Cewch wneud cwyn ar ran rhywun arall, ond os ydyn ni'n symud ymlaen â'r gŵyn honno bydd angen ichi roi eu caniatâd nhw mewn ysgrifen inni.
Dyw hyn ddim yn gymwys os ydych chi’n rhiant neu'n warcheidwad i blentyn 16 oed neu'n iau ac yn dymuno cwyno ar ran y plentyn.
I gwyno'n uniongyrchol i ni, gallwch chi naill ai
- defnyddio’n ffurflen gwynion ar-lein
- ysgrifennu aton ni yn:
Yr Adran Safonau Proffesiynol
Pencadlys Heddlu Dyfed-Powys
Llangynnwr
Caerfyrddin
Sir Gaerfyrddin
SA31 2PF
- ffonio 101 (Os oes gennych chi nam ar y clyw neu’r lleferydd, defnyddiwch ein gwasanaeth ffôn testun ar 18001 101)
- mynd i'ch gorsaf heddlu leol
Cwyno am brif gwnstabl
I wneud cwyn am brif gwnstabl un o’r heddluoedd, cysylltwch â'ch Comisiynydd Heddlu a Throseddu (PCC) lleol.
Cwyno am gydweithiwr pan ydych chi’n gweithio i'r heddlu
Os ydych chi'n gweithio i'r heddlu ac yn cwyno am rywun sy'n gweithio i'r un heddlu â chi, bydd angen ichi riportio hynny drwy ddefnyddio'r prosesau mewnol sydd yn eu lle yn eich heddlu chi.
Os oes arnoch chi angen help i wneud cwyn
Os nad Cymraeg neu Saesneg yw’ch iaith gyntaf, gallwn gynnig cymorth cyfieithu i'ch helpu i wneud eich cwyn.
Os oes gennych chi anabledd neu anhawster ynglŷn â chyfathrebu mewn ysgrifen neu ar lafar, gallwn eich helpu.
Soniwch am eich anghenion wrth gysylltu â ni ynglŷn â'ch cwyn.